ნინო ბურჯანაძე ე.წ. საზღვრისპირა სოფლებში ჩავიდა

„ერთიანი საქართველოს“ ლიდერი, ნინო ბურჯანაძე შიდა ქართლის ე.წ. საზღვრისპირა სოფლებში პოლიტსაბჭოს წევრებთან ერთად, ბერშუეთის და ნიქოზის მოსახლეობას შეხვდა, სადაც კონფლიქტის მოგვარების და ბორდერიზაციის შეწყვეტის შესახებ ისაუბრა. ამის შესახებ ინფორმაციას „ერთიანი საქართველოს“ პრესსამსახური ავრცელებს.

ნინო ბურჯანაძის განცხადებით, მცოცავი ოკუპაცია ყოველდღიურად იზრდება და ე.წ. საზღვრისპირა სოფლებში მცხოვრებმა ადამიანებმა არ იციან, „რა წამს გაავლებენ მათ ჭიშკართან საზღვარს“.

„ეს არის ტრაგედია, თქვენ წაგართვეს საფლავები, ყოველდღიურად გართმევენ მიწას. მინდა მოსახლეობას ვუთხრათ, რომ სწორედ მე და ჩემი გუნდი ვართ ის ძალა, რომელსაც შეუძლია მცოცავი ოკუპაციის პრობლემის მოგვარება. ჩვენ გვაქვს ძალა, გამოცდილება და გამბედაობა გავაჩეროთ ბორდერიზაცია.“ - განუცხადა ნინო ბურჯანაძემ ბეშუეთისა და ნიქოზის მოსახლეობას.

მხარდამჭერებმა ნინო ბურჯანაძესთან შეხვედრისას აღნიშნეს, რომ მოსახლეობას აქვს ისეთი პრობლემები, როგორიცაა საძოვრები, სარწყავი და სასმელი წყალი. ასევე ისაუბრეს ეკონომიკურ სიდუხჭირეზე, რომელიც მათი თქმით, ბეშუეთისა და ნიქოზის სოფლებში განსაკუთრებულად მძიმეა.

როგორც ნინო ბურჯანაძემ აღნიშნა, მას შემდეგ რაც ბიძინა ივანიშვილი ხელისუფლებაში მოვიდა, ბეშუეთში სასმელი და სარწყავი წყალი არ აქვთ, არა იმიტომ, რომ ამ პრობლემის მოგვარება შეუძლებელია, არამედ იმიტომ, რომ ხელისუფლებასთან დაახლოებულმა პირებმა წყლის მიწოდების მთელი რესურსი საკუთარ ნაკვეთებში გადაიყვანეს და მოსახლეობისათვის მარაგი არასკმარისი აღმოჩნდა.

„ბატონო ბიძინა, მე ვერ წარმომიდგენია, როგორ აპირებთ თქვენ 50%-ის და მეტის აღებას, როდესაც ყველა რაიონში, ყველა სოფელში ადამიანები არიან უკიდურესად გაჭირვებში, ისინი გამოხატავენ უკმაყოფილებას და აცხადებენ, რომ „ქართული ოცნება“ უნდა წავიდეს. არაფერს ვამბობ იმაზე, რომ მცოცავი ოკუპაცია ყოველდღიურად იზრდება და ე.წ. საზღვრისპირა სოფლებში მცხოვრებმა ადამიანებმა არ იციან, რა წამს გაავლებენ მათ ჭიშკართან საზღვარს. ჩვენ ამას დავასრულებთ, დავასრულებთ მშვიდობიანად არჩევნების გზით და შევძლებთ, რომ ქვეყანას ვუპატრონოთ.“ - განაცხადა ნინო ბურჯანაძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!