ჯანდაცვის მინისტრის, ეკატერინე ტიკარაძის განცხადებით, კორონავირუსით ინფიცირებული 36 პაციენტის მდგომარეობა კრიტიკულია.

ამასთან, როგორც ის აცხადებს, ქვეყნის მასშტაბით რეანიმაციულ განყოფილებაში 115 ადამიანია მოთავსებული.

„სუნთქვის აპარატზე ჟანგბადდამოკიდებული პაციენტი გვყავს ქვეყნის მასშტაბით 23, რეანიმაციაში 115 და კრიტიკული მდგომაროება აღენიშნება 36 პაციენტს, აქაც ჩართულია ცენტრალური კლინიკური ჯგუფი, რომელიც კოვიდის დაწყებისთანავე მოქმედებს საქართველოს მასშტაბით მათი კონტროლის ქვეშ იმართება ყველა პაციენტი. ასევე დამატებით გვაქვს ამოქმედებული რამდენიმე მექანიზმი, რომელიც გულისხმობს კლინიკურ კონსულტანტს. ამ პაციენტების მონიტორინგი ხდება საკმაოდ მკაცრად და ზედმიწევნით ყველა პროტოკოლის დაცვით“,- განაცხადა ტიკარაძემ.

ამას გარდა, მინისტრის ინფორმაციით, საწოლფონდში კვლავ სულ 3 ათასამდე საწოლია მობილიზებული.