აზერბაიჯანის გენპროკურორი მსოფლიოს ქვეყნებს, მათ შორის საქართველოს მიმართავს, „თვალი ადევნონ ეთნიკურად სომეხი მოხალისეების შეკრებას“

აზერბაიჯანის პროკურატურა მთელი რიგ ქვეყნებში კოლეგებს მიმართავს, სადაც არის სომხური დიასპორები, თვალი მიადევნონ „მოხალისეთა“ შეკრებას მთიან ყარაბაღში მიმდინარე მოვლენებთან დაკავშირებით.

„აზერბაიჯანის გენერალური პროკურორი ქიამრან ალიევი ოფიციალურად მიმართავს აშშ-ის, კანადის, ავსტრალიის, გერმანიის, საქართველოს, რუსეთის, უკრაინის, ბელარუსის, უზბეკეთის, ურუგვაის, ერაყის, ირანის, არგენტინის, ბრაზილიის, ბულგარეთის და პოლონეთის გენერალურ პროკურორებს, ასევე ლიბანის, საბერძნეთის, სირიისა და საფრანგეთის იუსტიციის მინისტრებს“, - განაცხადეს უწყების პრესსამსახურში.

აზერბაიჯანის პროკურატურის ცნობით, აზერბაიჯანის შეირაღებული ძალების მიერ კონტრშეტევითი ზომების შედეგად, სომხეთის შეიარაღებულმა ძალებმა დაკარგეს პოზიციები, რის გამოც, სომხეთმა საზღვარგარეთ მყოფ სომხებს მოუწოდა, მონაწილეობა მიიღონ შეიარაღებულ კომნფლიქტში თავისი ცოცხალი ძალის გასაძლიერებლად.

„ზოგიერთ მედიაში გაჟღერდა ინფორმაცია, რომ დაახლოებით ათასამდე ეთნიკურად სომეხი ჩამოვიდა, ან აპირებს ჩამოსვლას აზერბაიჯანის ტერიტორიაზე. იმ სახელმწიფოებმა, საიდანაც მოდიან ე.წ. მოხალისეები, უნდა გაითვალისწინონ ის გარემოება, რომ საბრძოლო გამოცდილების მიღების შემდეგ, ამ ადამიანებმა, თავის საცხოვრებელ ადგილზე დაბრუნების შემდეგ, შესაძლოა, საფრთხე შეუქმნან საზოგადოებრივ უსაფრთხოებას. ასევე, აღინიშნა, რომ სომხეთის ხელისუფლების ქმედება ჟენევის კონვენციის აშკარა დარღვევაა“, - განაცხადეს გენპროკურატურაში.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!