ბელარუსში სამართალდამცავებმა 317 დემონსტრანტი დააკავეს
ბელარუსმა სამართალდამცავებმა გუშინ მინსკში გამართული საპროტესტო აქციის დროს 317 დემონსტრანტი დააკავეს, - ამის შესახებ ინფორმაციას ბელარუსის შინაგან საქმეთა სამინისტრო ავრცელებს.
ცნობისთვის, გუშინ მინსკის ცენტრში ათასობით ადამიანი პოლიტიკური პატიმრების გათავისუფლების მოთხოვნით გამოვიდა. სამართალდამცველებმა მათ წინააღმდეგ წყლის ჭავლი გამოიყენეს.
შეგახსენებთ, ბელარუსში საპროტესტო აქციები 9 აგვისტოს გამართული საპრეზიდენტო არჩევნების შემდეგ არ წყდება. საზოგადოების ნაწილი არჩევნების ოფიციალურ შედეგებს არ ცნობს და ალექსანდრე ლუკაშენკოს გადადგომას მოითხოვს. სამართალდამცავებმა საპროტესტო აქციები ძალის გამოყენებით არაერთხელ დაშალეს და ათასობით ადამიანი დააკავეს.
