ჯანდაცვის სამინისტრომ ვერ უზრუნველყო სამედიცინო სექტორის სათანადო მომზადება ინფიცირებულთა რიცხვის მატებისთვის“,- ასე ეხმაურება „ევროპული საქართველოს“ მაჟორიტარობის კანდიდატი თელავის, ახმეტის, ყვარლისა და ლაგოდეხის ოლქში, ზურაბ ჭიაბერაშვილი, პრემიერის, გიორგი გახარიას განცხადებას, რომლის თანახმადაც, ჯანდაცვის სისტემის რესურსი არ არის შეუზღუდავი.
ჭიაბერაშვილის თქმით, გახარიას ამ განცხადებამ გამოავლინა რომ „ქართული ოცნების“ განცხადება, მთავრობის მიერ კორონაკრიზისის ეფექტიანი მართვის შესახებ, თავიდანვე აბსოლუტური ილუზია და მითი იყო
„ჩვენ დღეს მკაფიოდ ვხედავთ, რომ საქართველოს მთავრობამ და ჯანდაცვის სამინისტრომ ვერ უზრუნველყო სამედიცინო სექტორის სათანადო მომზადება ინფიცირებულთა რიცხვის მატებისთვის. გახარიას განცხადება, რომ სამედიცინო სექტორის რესურსი არ არის შეუზღუდავი, პირდაპირი მინიშნებაა, რომ ჩვენ შეიძლება, მათი არასწორი ქმედების გამო, აღმოვჩნდეთ სიტუაციაში, როდესაც საქართველოს მასშტაბით არ იქნება სამედიცინო სექტორში საკმარისი საწოლები, შეიძლება სასუნთქი აპარატებიც. ეს კი ივანიშვილის მთავრობის პირდაპირი ვალდებულებაა“,-განაცხადა ჭიაბერაშვილმა.
ინფორმაციას "ევროპული საქართველოს" პრესსამსახური ავრცელებს.