თამარ ტალიაშვილი - ქვეყნის კეთილდღეობისა და უსაფრთხოების გასაღები განათლებაშია, მის ცენტრში კი მასწავლებელი დგას

თბილისის საკრებულოს განათლებისა და კულტურის კომისიის თავმჯდომარე, „ქართული ოცნება - დემოკრატიული საქართველოს“ წევრი თამარ ტალიაშვილი მასწავლებლებს პროფესიულ დღეს ულოცავს.

როგორც ტალიაშვილი მილოცვაში აღნიშნავს, მნიშვნელოვანია მასწავლებლის პროფესიის ღირსეული დაფასება.

„ძვირფასო მასწავლებლებო, ჩემო კოლეგებო - სკოლის, პროფესიული და უმაღლესი სასწავლებლის, ასევე ბაგა-ბაღის პედაგოგებო, გილოცავთ პროფესიულ დღეს!

ცოდნაზე დაფუძნებული ეკონომიკის ეპოქაში ქვეყნის კეთილდღეობისა და უსაფრთხოების გასაღები განათლებაშია, მის ცენტრში კი მასწავლებელი დგას! უკიდურესად მნიშვნელოვანია მასწავლებლის პროფესიის ღირსეული დაფასება. უკანასკნელ წლებში გატარებულმა რეფორმებმა მასწავლებელზე ზრუნვა პრიორიტეტულ მიმართულებად აქცია. თუმცა ნათელია, ამ მიმართულებით კიდევ ძალიან ბევრი ნაბიჯი გვაქვს გადასადგმელი. 2020 წლის მასწავლებელთა მსოფლიო დღის UNESCO-ს საერთაშორისო გზავნილია - „მასწავლებელი - კრიზისის მართვისა და მომავლის ახალი ხედვის ლიდერი". პანდემიამ კიდევ უფრო მძაფრად დაანახა საზოგადოებას პედაგოგის დამსახურება და მასწავლებელთა ხასიათის უდრეკობა, რის გარეშეც ცოდნის მომავალი თაობისათვის გადაცემა შეუძლებელი იქნებოდა. ჩემო კოლეგებო, გისურვებთ მაქსიმალურ პროფესიულ თვით-რეალიზაციასა და წარმატებას მომავლის ხელთქმნაში“, - წერს დეპუტატი Facebook გვერდზე.

ინფორმაციას თბილისის საკრებულო ავრცელებს.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია