ვანო მაჭავარიანი ევროკავშირის წევრობაზე - ხელისუფლებამ რუსეთის არ გაღიზიანების პოლიტიკას გადააყოლა ევროპული მიმართულება, ამიტომ ევროპული მხარდაჭერა არ არის იმ დონის, რომ საკითხი გაიტანოს

როგორც ჩანს, არჩევნების პერიოდს ელოდებოდნენ და დააყენებენ ამ საკითხს თუ არ დააყენებენ, ესეც გამოჩნდება, - ამის შესახებ უშიშროების საბჭოს მდივნის ყოფილმა მოადგილემ, ვანო მაჭავარიანმა „პალიტრანიუსის“ გადაცემა „დღის ნიუსრუმში“ განაცხადა, რითიც ხელისუფლების განცხადებას გამოეხმაურა, სადაც აღნიშნულია, რომ მთავრობა საქართველოს ევროკავშირის წევრობაზე განაცხადს შეიტანს.

მაჭავარიანის განმარტებით, ევროკავშირის წევრობაზე განაცხადის შეტანის საკითხი გიორგი მარგველაშვილის პრეზიდენტობის პერიოდიდან განიხილება.

„როდესაც ასეთ განაცხადს აკეთებდა ბალტიის ქვეყნები თუ სხვა, შეთანხმებული იყო ევროკავშირთან. უნდა გყავდეს მხარდამჭერები, რომლებიც ამ საკითხზე შენთვის იმუშავებენ. მაინტერესებს, რომელი ქვეყნები დატოვა „ქართულმა ოცნებამ“ მის მხარდამჭერებად? ჩვენ გვყავდნენ ბალტები, ცენტრალურ ევროპელები, სად არიან ეს ქვეყნები?! ანუ, საქართველოს დღევანდელმა ხელისუფლებამ რუსეთის არ გაღიზიანების პოლიტიკას გადააყოლა ევროპული მიმართულება და ამიტომ, ევროპული მხარდაჭერა არ არის იმ დონის, რომ ამ საკითხს ერთიანად მხარში დაუდგეს და გაიტანოს“, - განაცხადა ვანო მაჭავარიანმა.

ამასთან მაჭავარიანმა აღნიშნა, რომ ევროკავშირს მიაჩნია, რომ მთელი რიგი კრიტერიუმებია, რომელსაც საქართველო არ აკმაყოფილებს.

„არსებობს რამდენიმე კრიტერიუმი და ერთ-ერთი არის კანონის უზენაესობის მიმართულება, რომელიც ყველგან არის სერიოზული პრობლემა და მთავარი კრიტერიუმი. ასევე, 2020 არჩევნების ჩატარების ხარისხი იქნება ერთ-ერთი გადამწყვეტი კრიტერიუმი ევროკავშირისთვის“, - განაცხადა მაჭავარიანმა.

გარდა ამისა, ვანო მაჭავარიანი გამოეხმაურა პრეზიდენტის სალომე ზურაბიშვილის განცხადებას, რომ ზოგჯერ საჭიროდ თვლის დაამყაროს ბიძინა ივანიშვილთან კომუნიკაცია და აღნიშნა, რომ ეს არის არაფორმალური მმართველობის ერთ-ერთი გამოხატულება.

ბიძინა ივანიშვილი უბრალოდ იბარებს სახელმწიფო მოხელეებს, პრემიერ-მინისტრებს, პროკურორებს. ზურაბიშვილი თუ ამბობს, რომ ეს შეხვედრები მისი ინიციატივით დგება - ეს ზღაპარი შეუძლია მოუყვეს თავის ადმინისტრაციის უფროსებს. პოლიტიკურად ეს არის არაფორმალური მმართველობის ერთ-ერთი გამოხატულება, როდესაც საქართველოს პრეზიდენტი მიდის ბიძინა ივანიშვილთან და ვალდებულად თვლის თავს, რომ გარკვეული კომუნიკაცია ჰქონდეს მასთან. ვინც ასე არ ჩათვალა, რა დღეში აღმოჩნდა პრეზიდენტ მარგველაშვილის სახით, ნახეთ. რა თქმა უნდა, ზურაბიშვილს მიაჩნია, რომ ვალდებულია, მაგრამ ჩემთვის ეს არის არაფორმალური მმართველობის, არადემოკრატიული ფორმა ადამიანთან, რომელსაც პრეტენზია აქვს ყველა და ყველაფერი მართოს“, - განაცხადა მაჭავარიანმა.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“