მანუჩარ კვირკველია - საქართველოს მასშტაბით თითოეულ პედაგოგს ვულოცავ მასწავლებლის საერთაშორისო დღეს

გაერთიანებული ოპოზიცია ,,ძალა ერთობაშიას’’ გურიის მაჟორიტარი დეპუტატობის კანდიდატმა, ოლიმპიურმა ჩემპიონმა მანუჩარ კვირკველიამ, მასწავლებლის დღესთან დაკავშირებით მისი დამრიგებელი მოინახულა და პროფესიული დღე მიულოცა.

,,დღეს, ვისარგებლე შესაძლებლობით და ჩემს თანაკლასელებთან ერთად მოვინახულე დამრიგებელი. ოზურგეთის პირველი სკოლის ისტორიის ყოფილი პედაგოგი ნათელა სურგულაძე. მას დიდი დამსახურება აქვს გურიის და ქვეყნის წინაშე, მან მრავალ თაობას მოგვცა შესაძლებლობა გავცნობოდით ჩვენი მრავლისმნახველი ქვეყნის ისტორიას.

მთელი გურიის და სრულიად საქართველოს მასშტაბით თითოეულ პედაგოგს მინდა მივულოცო მასწავლებლის საერთაშორისო დღე. ჩემთვის, ზრდასრული ადამიანისთვის, ხუთი შვილის მამისთვის, ახლა ბევრად ადვილია თქვენი განუზომელი ღვაწლის შეფასება და მადლიერებასთან ერთად უზარმაზარ პასუხისმგებლობას ვგრძნობ თქვენს წინაშე. ჩემთვის დაუვიწყარია თითოეული პედაგოგი, რომელიც ბაღიდან, სკოლიდან და სპორტიდან გახლდით ჩემი ცხოვრების წარუშლელი თანამგზავრები, ადამიანები, რომლებმაც ჩემში შექმნეს სრულფასოვანი სამყარო, მაშინ, როცა შავ-თეთრი სჩანდა ირგვლივ ყველაფერი, ხალხი, ვინც ოჯახთან ერთად მყარად ჩამინერგა საკუთარი სამშობლოს და ხალხის სიყვარული, პროფესიონალები, რომლებმაც მიკარნახეს, რომ არასდროს არ დამზარებოდა დაბრკოლებებთან ჭიდილი და არ შევჩერებულიყავი არცერთი წარმატების მიღწევის შემდეგ.

მე მსურს პატივისცემით და სიყვარულით მოვიხარო ქედი თითოეული პედაგოგის წინაშე და გითხრათ მადლობა! თქვენ ხართ ქვეყნის ერთ-ერთი მთავარი საყრდენი და მჯერა, რომ საქართველოში განსაკუთრებული მასწავლებლები გვყავს, ადამიანები, რომლებიც პირადი და სახელმწიფოებრივი ურთულესი გამოწვევების, მძიმე სოციალური მდგომარეობის მიუხედავად იდექით ჩვენს გვერდით და ახლა დგახართ ჩვენი შვილების - საქართველოს ბრწყინვალე მომავლის გვერდით! აქვე პატივისცემა მინდა გამოვხატო მსოფლიო საუკეთესო მასწავლებლების 10 ფინალისტს შორის დასახელებული ვლადიმერ აფხაზავას მიმართ, რომელიც სწორედ გურიაში მოღვაწეობს და იგი 2017 წლიდან ღირსეულად ატარებს მასწავლებლის ეროვნულ ჯილდოს. გისურვებთ წარმატებებს და ხანგრძლივ კეთილდღეობას თქვენს ოჯახებთან ერთად",- აღნიშნა კვირკველიამ.

აღნიშნულ ინფორმაციას „გაერთიანებული ოპოზიცია - ძალა ერთობაშიას’’ პრესსამსახური ავრცელებს.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 06.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“