დაავადებათა კონტროლის ცენტრი - 30 იანვრიდან 30 სექტემბრამდე პერიოდში საქართველოში ჩატარებული PCR ტესტების რაოდენობა 648 736-ს შეადგენს

30 იანვრიდან 30 სექტემბრამდე პერიოდში საქართველოში ჩატარებული PCR ტესტების რაოდენობა 648 736-ს შეადგენს, მათ შორის 642 541 - პირველადია, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის მეოთხე ანგარიშშია აღნიშული, რომელიც კორონავირუსის გავრცელებასთან დაკავშირებულ ეპიდემიოლოგიურ ვითარებას და განხორციელებულ ღონისძიებებს ეხება.

ანგარიშის თანახმად, რომელიც 2020 წლის სექტემბრის ჩათვლით პერიოდს მოიცავს, სექტემბერში ყველაზე მეტი რაოდენობის, ჯამში 267 629 PCR ტესტია ჩატარებული, მაშინ როდესაც აგვისტოში - 144 877, ხოლო ივლისში 120 384 PCR ტესტი ჩატარდა.

დოკუმენტის თანახმად, დღეისათვის, ლუგარის კვლევის ლაბორატორიის პარალელურად, COVID-19 ტესტირების პროგრამაში ჩართულია 26 სახელმწიფო და კერძო ლაბორატორია.

ამასთან, ანგარიშის მიხედვით, PCR ტესტირებასთან ერთად ქვეყანა ახორციელებს სეროლოგიურ კვლევებს - ანტისხეულებსა და ანტიგენზე დაფუძნებულ სწრაფ მარტივ ტესტირებას გარკვეულ ჯგუფებში, თუმცა შემთხვევის დადასტურება ხდება მხოლოდ PCR ტესტირებით. 2020 წლის 30 სექტემბრის მდგომარეობით, ქვეყანაში განხორციელებულია 176 642 ანტისხეულებზე დაფუძნებული სწრაფი მარტივი ტესტირება.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა