დაავადებათა კონტროლის ეროვნული ცენტრის ანგარიშის თანახმად, პანდემიის პერიოდში, საქართველოში სიკვდილიანობის დაბალი ნიშნულია შენარჩუნებული

დაავადებათა კონტროლის და საზოგადოებრივი ჯანმრთელობის ეროვნული ცენტრის ანგარიშის მიხედვით, პანდემიის პერიოდის განმავლობაში, საქართველოში სიკვდილიანობის დაბალი ნიშნულია შენარჩუნებული.

როგორც ანგარიშშია მითითებული, საქართველოში დადასტურებული შემთხვევების 62,5% შავი ზღვისპირა საკურორტო რეგიონს, აჭარის ავტონომიურ რესპუბლიკას უკავია.

«საქართველოში პირველი დადასტურებული შემთხვევა 26 თებერვალს იყო რეგისტრირებული. 30 სექტემბრის მდგომარეობით, COVID-19 დაუდასტურდა 6 640 ადამიანს, კუმულაციური ინციდენტობის მაჩვენებელი 100 000 მოსახლეზე -178.6 (95% CI 174.4-182.9).

აღნიშნული პერიოდის განმავლობაში დადასტურებული შემთხვევების ზრდის ტემპი არაერთგვაროვანი იყო - პირველ ეტაპზე შემთხვევების რაოდენობა 1000-მდე გაზრდას 139 დღე დასჭირდა, ათასიდან 2 ათასამდე ზრდას დასჭირდა 60 დღე. შემდგომი ზრდის ტენდენცია მკვეთრად დაჩქარდა - 2 ათასიდან 3 ათასამდე ზრდა მოხდა 7 დღეში, ყოველი მომდევნო ათასი შემთხვევა ფიქსირდებოდა ერთი დღით ნაკლებ პერიოდში - 3 ათასიდან 4 ათასამდე 6 დღეში, 4 ათასიდან 5 ათასამდე - 5 დღეში და 5 ათასიდან 6 ათასამდე - 4 დღეში. დადასტურებული ახალი შემთხვევების სწრაფად მზარდი დინამიკის შესაბამისია ინციდენტობის მაჩვენებელიც - 26 თებერვლიდან 10 სექტემბრამდე ინციდენტობის მაჩვენებელი მცირე ცვლილებებით ხასიათდებოდა და 0,1-0,7 დიაპაზონში მერყეობდა. 10 სექტემბრიდან, დადასტურებული შემთხვევების მკვეთრი მატების ფონზე, ინციდენტობის მაჩვენებელი 9-ჯერ გაიზარდა და 6,6 შეადგინა.

30 სექტემბრის მდგომარეობით, ლეტალურად დასრულდა 39 შემთხვევა (ლეტალობის მაჩვენებელი 0.59%). მრავალ ქვეყანაში, გარდა COVID-19-ით დაავადებულთა რაოდენობისა, ერთ-ერთ საგულისხმო ინდიკატორად ნამატი სიკვდილიანობის მაჩვენებელს განიხილავენ, რათა შეფასდეს, მოახდინა თუ არა რაიმე გავლენა აღნიშნული დაავადების სწრაფმა გავრცელებამ და მასთან დაკავშირებულმა გარდაცვალების შემთხვევებმა სიკვდილიანობის მაჩვენებელზე. საქართველოში 2020 წლის პირველი 8 თვის პერიოდში გარდაცვლილ პირთა საერთო რაოდენობა ნაკლებია წინა წლებთან შედარებით: 2%-ით 2018 წელთან და 4%-ით 2019 წელთან შედარებით. 2020 წლის 1 იანვრიდან 31 აგვისტოს ოქტომბრის ჩათვლით ყველა მიზეზით გარდაცვალების შემთხვევების კლებამ 30% შეადგინა, ხოლო 1 მარტიდან 31 აგვისტოს ჩათვლით (პირველი დადასტურებული შემთხვევის შემდეგ) - 18%“, - ნათქვამია დაავადებათა კონტროლის და საზოგადოებრივი ჯანმრთელობის ეროვნული ცენტრის მიერ გაოქვეყნებულ ანგარიშში.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
“მარტივი გზა შენს ახალ სახლამდე” – Myhome-ის განახლებული დეველოპერული კომპანიების მოდული
„ნიუ ჰოსპიტალსი“ პაციენტებზე ზრუნვის 10 წლისთავს აღნიშნავს
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება