ჩვენც მალე გვექნება ისეთი ცენტრალური პარკი, როგორიც განვითარებული ქალაქების მთავარ პარკებში გვინახავს,- ამის შესახებ ტურიზმის ეროვნული ადმინისტრაციის ხელმძღვანელი მარიამ ქვრივიშვილი სოციალურ ქსელში წერს.

როგორც ქვრივიშვილი აღნიშნავს, იპოდრომის ტერიტორიაზე პარკის გაშენება ქვეყნის ინდუსტრიისთვის ღირებული დანამატი იქნება.

"ეს იქნება დედაქალაქის ერთ-ერთი მთავარი დანიშნულების ადგილი რეკრეაციული და ეკო ტურისტული პროდუქტის თვალსაზრისით. ძალიან ღირებული დანამატია ჩვენი ინდუსტრიისთვის და რა თქმა უნდა, უმთავრესად ჩვენი ქვეყნისთვის ასეთი მასშტაბის კეთილმოწყობილი, თანამედროვე, რეკრეაციული ზონის შექმნა ქალაქის შუაგულში. ჩვენც მალე გვექნება ისეთი ცენტრალური პარკი, როგორიც განვითარებული ქალაქების მთავარ პარკებში გვინახავს.

იპოდრომის ტერიტორია ფონდმა „ქართუ“ თბილისის მერიას უსასყიდლოდ გადასცა.

პარკის რეაბილიტაციას ფონდი „ქართუ“ განახორციელებს რის შედეგადაც ასეთი ცენტრალური პარკი გვექნება",- წერს ქვრივიშვილი.