ანდრიუს კუბილიუსი - ვიცით საქართველოში არსებულ რამდენიმე ჯგუფზე, რომლებიც შესაძლოა, კრემლთან უფრო ახლოს იყვნენ, მაგრამ მათ პროდასავლურ ორიენტაციაზე დიდი გავლენა არ აქვთ

ვიცით საქართველოში არსებულ რამდენიმე ჯგუფზე, რომლებიც შესაძლოა, კრემლთან უფრო ახლოს იყვნენ, მაგრამ, როგორც ვხედავთ, მათ პროდასავლურ ორიენტაციაზე დიდი გავლენა არ აქვთ,- ამის შესახებ ევროპარლამენტარმა ანდრიუს კუბილიუსმა „ინტერპრესნიუსისთვის“ მიცემულ ექსკლუზიურ ინტერვიუში ჟურნალისტის კითხვის საპასუხოდ განაცხადა, რომელიც საქართველოს საპარლამენტო არჩევნებში რუსეთის შესაძლო ჩარევას ეხებოდა.

მისი თქმით, მნიშვნელოვანია, რომ ევროკავშირში საქართველოს მხრიდან პროდასავლური ინტეგრაციის მიმართ ერთგულებას ხედავენ. მისივე თქმით, საქართველო რუსეთის იმ სამეზობლოშია, სადაც დეზინფორმაციის მხრივ კარგად ესმით, რას უნდა ელოდონ და რა გააკეთონ.

„დაზუსტებით არ ვიცი, რა გზებით შეუძლია რუსეთს აღნიშნულზე გავლენის მოხდენა და რას უნდა ველოდოთ. ვიცით საქართველოში არსებულ რამდენიმე ჯგუფზე, რომლებიც შესაძლოა, კრემლთან უფრო ახლოს იყვნენ. მაგრამ, როგორც ვხედავთ, მათ პროდასავლურ ორიენტაციაზე დიდი გავლენა არ აქვთ. ძალიან მნიშვნელოვანია, რომ პროდასავლური ინტეგრაციის მიმართ ერთგულებას ვხედავთ. მეორე მხრივ, რაც შეეხება პროპაგანდას, დეზინფორმაციასა და ა.შ. - მგონია, თქვენ და ჩვენ რუსეთის იმ სამეზობლოში ვცხოვრობთ, სადაც პრესის ექსპერტები ვართ, იმ გაგებით, რომ ვიცით, რას უნდა ველოდეთ და რა უნდა გაკეთდეს. შესაბამისად, შესაძლოა, ჩვენ დეზინფორმაციის პირისპირ ბუნებრივი გამძლეობაც გვქონდეს, რაც უფრო მეტად დაცულებს გვხდის ევროკავშირის სხვა ქვეყნებთან შედარებით. ეს მნიშვნელოვანი საკითხია, ევროპარლამენტმა ამ საკითხზე სპეციალური კომიტეტიც შექმნა, მაგრამ მას დრო სჭირდება, რადგან, ჩვენს კოლეგებს ევროპაში უნდა ავუხსნათ, თუ რა შესაძლებლობები აქვს რუსეთს ჩვენს პოლიტიკურ სისტემებში შემოღწევისთვის, რა ტიპის პროპაგანდასთან გვაქვს საქმე და როგორ უნდა დავიცვათ ჩვენ სისტემები ამ შესაძლო გავლენებისგან. ეს სამომავლო საქმეა. ჩვენ ყველა ვცდილობთ, დავარწმუნოთ ევროპა, რომ ამ მხრივ უფრო მეტად მამაცი და ეფექტური იყოს, თუმცა ეს დროს მოითხოვს“, - განაცხადა კუბილიუსმა.

იხილეთ ინტერვიუ სრულად

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება