აზერბაიჯანი და თურქეთი ერთმანეთს მხარს ნებისმიერ საკითხში დაუჭერენ, ასეთი ურთიერთობა მთელი მსოფლიოსთვის მაგალითი უნდა გახდეს, - ამის შესახებ აზერბაიჯანის პრეზიდენტმა ილჰამ ალიევმა თურქულ ტელერხთან ინტერვიუში განაცხადა.
„ერდოღანის თამამი და მტკიცე განცხადებები ბევრი ქვეყნისთვის გაფრთხილებად იქცა – მან მსოფლიოს განუცხადა, რომ აზერბაიჯანი მარტო არ არის და არ ჩაერიონ ჩვენს საქმეებში. აზერბაიჯანისა და თურქეთის ურთიერთობა სამაგალითოა“, - განაცხადა მან.
ინტერვიუს დროს ალიევმა მკაცრად გააკრიტიკა საფრანგეთის პრეზიდენტი ემანუელ მაკრონი. მისი თქმით, მაკრონმა აზერბაიჯანს მცდარი ბრალდებები წაუყენა და ამისთვის ბოდიში უნდა მოიხადოს.
„მან თქვა, რომ აზერბაიჯანს მთიანი ყარაბაღის დაპყრობა სურს. მთიანი ყარაბაღი ჩვენი მიწაა. განა შესაძლებელია საკუთარი მიწის დაპყრობა? ჩვენ ამაზე ვერ გავჩუმდებით“, – განაცხადა აზერბაიჯანის პრეზიდენტმა.