თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, თბილისში კორონავირუსით ინფიცირების შემთხვევებმა მოიმატა.
მარინა ენდელაძის თქმით, მნიშვნელოვანია საზოგადოებამ მაქსიმალური სიფრთხილე გამოიჩინოს იმისთვის, რომ თბილისში არ დაიწყოს კორონავირუსით ინფიცირების შემთხვევების დიდი რაოდენობით მატება.
„ყველაზე მთავარია ის, რომ მოიმატა თბილისში ინფიცირების შემთხვევებმა. რა თქმა უნდა, ყველა რეგიონს ძალიან უნდა გავუფრთხილდეთ, მაგრამ მოსახლეობის სიმჭიდროვის გათვალისწინებით, ყველა მნიშვნელოვანი ღონისძიება აქ ხდება, ძალიან გვჭირდება სიფრთხილე, იქნებ როგორმე გადავურჩეთ ძლიერ დატვირთვას და ბევრი რაოდენობით ინფიცირებულის გამოვლენას“,-განაცხადა ენდელაძემ.
შეგახსენებთ, თბილისში კორონავირუსით ინფიცირების მაჩვენებელი გაიზარდა. კორონავირუსის 549 ახალი შემთხვევიდან 348 აჭარაში, 99 შემთხვევა კი თბილისში დაფიქსირდა.