საქართველო ჭადრაკში ISF ონლაინ სასკოლო მსოფლიო ჩემპიონატში მიიღებს მონაწილეობას. ამის შესახებ ინფორმაციას ბავშვთა და სასკოლო სპორტის ეროვნული ფედერაცია ავრცელებს.

მათივე ინფორმაციით, ჩემპიონატი 3-25 ოქტომბრის ჩათვლით ჩატარდება და 2 ასაკობრივ კატეგორიაში - 2003-2004-2005 და 2006-2007 წწ. გაიმართება.

ჩემპიონატში საქართველოს სახელით მონაწილეობას იღებს 7 მოჭადრაკე: 1. დიანა ლომაია; 2. მარიამ დოლაკიძე; 3. ეკატერინე ფიფია; 4. მარიამ სიჭინავა; 5. ნია დონღვანი; 6. ლაშა კაჭკაჭიშვილი; 7. დავით ცქიფურიშვილი.

„სასკოლო სპორტული ოლიმპიადა საქართველოს ბავშვთა და სასკოლო სპორტის ეროვნული ფედერაციის ორგანიზებით, საქართველოს განათლების, მეცნიერების, კულტურისა და სპორტის სამინისტროს დახმარებითა და საქართველოს ეროვნული ოლიმპიური კომიტეტის მხარდაჭერით ხორციელდება.

სასკოლო სპორტული ოლიმპიადის ჩემპიონები 2016 წლიდან სასკოლო მსოფლიო ჩემპიონატებზე ასპარეზობენ. 2019 წელს ქვეყანამ მონაწილეობა მიიღო ჭადრაკის საპილოტე ჩემპიონატში და წელს ოფიციალურად მონაწილეობს ონლაინ სასკოლო მსოფლიო ჩემპიონატში, რომელიც სასკოლო სპორტის საერთაშორისო ფედერაციის (ISF) მიერ იმართება 2020 წლის 3-25 ოქტომბერს“, - ნათქვამია ინფორმაციაში.