არჩილ თალაკვაძის განცხადებით, მოსამართლეების საკითხზე მმართველ გუნდს ვენეციის კომისიასთან წინასწარი კომუნიკაცია ჰქონდა და მათგან დასკვნითი რეკომენდაციების დამტკიცებას ოქტომბერში ელოდებიან

საქართველოს პარლამენტის თავმჯდომარის არჩილ თალაკვაძის განცხადებით, მოსამართლეების შერჩევის საკითხთან დაკავშირებით მმართველ გუნდს ვენეციის კომისიასთან წინასწარი კომუნიკაცია ჰქონდა და მათგან დასკვნითი რეკომენდაციების დამტკიცებას ოქტომბერში ელოდებიან.

თალაკვაძის თქმით, ვენეციის კომისიის წარმომადგენლები სრულად იყვნენ ინფორმირებული, რომ საშემოდგომო სესია არჩენებამდე ერთი თვით ადრე, ზუსტად 30 სექტემბერს იხურებოდა.

„მოგეხსენებათ, ვენეციის კომისიას ჩვენ გადავუგზავნეთ ეს პროექტი, სწორედ ჩემი ინიციატივით იყო გადაგზავნილი. ჩვენ ჩვენს პარტნიორებთან ერთად გვქონდა წინასწარი კომუნიკაცია და ისინი სრულად იყვნენ ინფორმირებული, რომ საშემოდგომო სესია არჩევნებამდე ერთი თვით ადრე, ზუსტად 30 სექტემბერს იხურებოდა. შესაბამისად, ჩვენ მოვიქეცით პასუხისმგებლიანად, ბოლო სასესიო დღის ჩათვლით ველოდით ვენეციის კომისიისგან წინასწარ პოზიციას, მოსაზრებებს და დასკვნებს. მათ გვითხრეს ასევე წინასწარ, მხოლოდ ოქტომბერში შეძლებდა კომისია ამ დასკვნის რეკომენდაციების დამტკიცებას და შესაბამისად, ჩვენ ველოდებით. მოგეხსენებათ ჯერ არ არის ეს დასკვნა მზად, ჩვენ ყოველთვის ყურადღებით ვეკიდებით ჩვენი პარტნიორების მოსაზრებებს და დასკვნებს. სიმართლე და ფაქტი არის ის, რომ ჩვენი ხელისუფლების პირობებში ქართული სასამართლო არის ბევრად უფრო თავისუფალი და ის არის ევროპის 20 თავისუფალ სასამართლო სისტემას შორის. ეს გახდა შესაძლებელი იმ რეფორმების შედეგად, რომლებიც ჩვენ განვახორციელეთ სასამართლო სისტემაში", - განაცხადა თალაკვაძემ.

ცნობისთვის, ევროკავშირის საგარეო საქმეთა და უსაფრთხოების პოლიტიკის წამყვანი სპიკერი პეტერ სატანო საქართველოში უზენაესი სასამართლოს მოსამართლეების შერჩევის პროცესთან დაკავშირებით განცხადებს ავრცელებს.

განცხადებაში ევროკავშირი მწუხარებას გამოთქვამს, რომ პარლამენტი არ დაელოდა ვენეციის კომისიის დასკვნის გამოქვეყნებას.

როგორც განცხადებაშია ნათქვამი, სასამართლო სისტემაში ეთიკისა და მთლიანობის უმაღლესი სტანდარტების დაცვა გადამწყვეტია საქართველოს სანდოობისათვის მისი მოქალაქეებისა და საერთაშორისო პარტნიორების თვალსაზრისით და ევროკავშირსა და საქართველოს შორის პარტნიორობის განვითარებისათვის.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო