რე|ბანკმა გასული წლის მსგავსად, წელსაც დაუჭირა მხარი TBILISI MURAL FEST-ს. რე|ბანკის უშუალო დაფინანსებით ბერლინელი არტისტების ჯგუფის Innerfields-ის მიერ მოიხატა კედელი ილია ჭავჭავაძის 39 ნომერში. ამის შესახებ „ინტერპრესნიუსს“ „რებანკიდან“ აცნობეს.
მათივე ცნობით, წლევანდელი ფესტივალის ფარგლებში თბილისს ცნობილი ევროპელი სტრიტ არტისტები ეწვიენ და 7 დიდი კედელი თბილისში, 4 კედელი კი ქუთაისში მოხატეს.
„ძალიან გვიხარია, რომ წელსაც მოგვეცა Tbilisi Mural Fest-ის მხარდაჭერის საშუალება. რე|ბანკის სპონსორობით კიდევ ერთი ლამაზი კედელი შეემატა ქალაქს. მადლობა ამ პროექტის ორგანიზატორებს და დიდი იმედია ჩვენი თანამშრომლობა მომავალ წელსაც შედგება“, - განაცხადა რე|ბანკის საზოგადოებასთან ურთიერთობის და მარკეტინგის დეპარტამენტის უფროსმა ანანო ქორქიამ.
ინფორმაციაში აღნიშნულია, რომ რე|ბანკის გარდა პროექტის სპონსორები თბილისის მერია და სხვა კერძო კომპანიები იყვნენ.
Tbilisi Mural Fest-ის შესახებ დეტალური ინფორმაციისთვის და ფოტოების სანახავად ეწვიეთ ფესტივალის ოფიციალურ ფეისბუქ გვერდს https://www.facebook.com/TbilisiMuralFest/