მამუკა ტუსკაძე - ხელისუფლებას მოვუწოდებ, ყველა საარჩევნო სუბიექტისთვის თანაბარი პირობები შექმნას, რომ მივიღოთ საარჩევნო მარათონი და არა საარჩევნო მუშტი-კრივი

ხელისუფლებას მოვუწოდებ, შექმნას თანაბარი პირობები ყველა პოლიტიკური სუბიექტისთვის, რომ წინასაარჩევნო მაღალი ტემპერატურა დაბალანსდეს და გადაიზარდოს საარჩევნო მარათონში და არა საარჩევნო მუშტი-კრივში“, - ამის შესახებ პოლიტიკური მოძრაობა „სოციალური სამართლიანობისთვის“ ლიდერმა, მამუკა ტუსკაძემ პარტიის ოფისში დღეს გამართულ ბრიფინგზე განცხადა.

მისი თქმით, საკუთარი წილი პასუხისმგებლობა თითოეულმა პოლიტიკოსმა უნდა აიღოს და ვიწრო პარტიულ ინტერესებს ქვეყანა არ უნდა ანაცვალოს.

„არჩევნებამდე 25 დღე დარჩა. დუღილის ტემპერატურა ძალიან მაღალია. ეს ნათლად აჩვენა მარნეულში მომხდარმა ინციდენტმა. ჩვენი პოლიტიკური მოძრაობა ემიჯნება ყოველგვარ ძალადობას და მოუწოდებს ხელისუფლებას, გონივრულად იმოქმედოს და კანონის ფარგლებში დაარეგულიროს ვითარება, რომ შექმნილი მდგომარეობა გადაიზარდოს საარჩევნო მარათონში და არა საარჩევნო მუშტი-კრივში. მოვუწოდებ ოპოზიციურ ძალებსაც, განსაკუთრებით მათ, ვინც საკუთარ თავს რადიკალურ ოპოზიციას უწოდებს, აიღოს საკუთარი წილი პასუხისმგებლობა, ნუ გადააყოლებენ ქვეყანას ვიწრო პარტიულ ინტერესებს. ასეთი რადიკალიზმი ქვეყნის განვითარებისთვის კარგის მომტანი რომ არაა, კარგად გვაჩვენა ბოლო რვა წელმა. ვფიქრობ, მოსახლეობამ მხარი უნდა დაუჭიროს ჩვენნაირ კონსტრუქციულ ოპოზიციას, რადგან სწორედ ჩვენ ვერ გვესაუბრება ხელისუფლება კომპრომატების ენით. იმედი მაქვს, ხელისუფლებას ეყოფა გონიერება, დააბალანსოს ეს მაღალი ტემპერატურა და არჩევნები ჩაატაროს სამართლიან, თავისუფალ გარემოში და ყველა პოლიტიკურ ორგანიზაციას თავის წარმოჩენის თანაბარი პირობები შეუქმნას“, - განაცხადა მამუკა ტუსკაძემ.

მისი თქმით, პოლიტიკური გაერთიანება „სოციალური სამართლიანობისთვის“ სწორედ ამ პრინციპით მოქმედებს და სიაში ჩაწერილი რიგითობის მიუხედავად, პარტიის თითოეულ წევრს აძლევს თანაბარ შანსს, გამოავლინოს საკუთარი შესაძლებლობები.

„ჩვენ არ ვმონაწილეობთ მაჟორიტარულ არჩევნებში, მონაწილეობას ვღებულობთ მხოლოდ პროპორციული სიით. ჩვენ შევძლებთ, რომ ჩვენი ნებისმიერი წევრი, რომელიც კარგ შედეგს დადებს, ხალხის მხრიდან ნდობის გამოცხადების შემთხვევაში, იყოს წარმოდგენილი პარლამენტში. არ აქვს მნიშვნელობა, სიის რომელი ნომერი იქნება ის“, - აღნიშნა ტუსკაძემ.

აღნიშნულ ინფორმაციას პოლიტიკური მოძრაობა „სოციალური სამართლიანობისთვის“ პრესსამსახური ავრცელებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს