რომან გოცირიძე 2021 წლის ბიუჯეტის პროექტზე - გულარხეინად შედგენილი ბიუჯეტია - რა ქამრების მოჭერა?! ფუფუნების არც ერთი ხარჯი არ არის შემცირებული

ეს ბიუჯეტი არის გულარხეინად შედგენილი ბიუჯეტი, რისი ქამრების მოჭერა?! ფუფუნების არც ერთი ხარჯი არ არის შემცირებული, - ამის შესახებ ფრაქცია „ნაციონალური მოძრაობის" თავმჯდომარე რომან გოცირიძემ ჟურნალისტებთან 2021 წლის სახელმწიფო ბიუჯეტის პროექტთან დაკავშირებით განაცხადა.

როგორც მან აღნიშნა, ბიუჯეტში დატოვებულია ისეთი ხარჯები, რომელიც ხელისუფლების ბიუროკრატიულ და პოლიტიკურ მიზნებს ემსახურება.

„ყველა ხარჯი, რომელიც ხელისუფლებასთან დაკავშირებულ ბიზნესინტერესებს ემსახურებოდა, კვლავ არის დატოვებული. 25 მილიონი არის გამოყოფილი მსუბუქი ავტომობილების შესაძენად, იმდენად უნამუსოდ იქცევიან. რისი 20 ლარით პენსიის ზრდა, დიდი ხანია ინფლაციამ შეჭამა ეს 20 ლარი. რაც შეეხება ბიუჯეტს, ეს არის ნახევარფაბრიკატი, ჯანდაცვის ხარჯები არ არის სწორად დაგეგმილი, თითქოს მეორე ტალღა არც არსებობდეს და ქვეყანაში კატასტროფული სცენარით არ მიდიოდეს საქმე. პანდემიის ხარჯებიც კი არ არის ჩადებული.

ბიუჯეტის ერთმა ფურცელმა ამხილა მეორე ფურცელი - ერთზე წერია ინფლაცია 3 პროცენტი, მეორე ფურცელზე წერია ლარის კურსი 3.3.

აბსოლუტურად სხვა ღირებულება ექნება მასწავლებლის ხელფასსაც, პენსიასაც და ნებისმიერ შემოსავალს, რომელსაც ჩვენი მოქალაქეები იღებენ ბიუჯეტიდან იმ შემთხვევაშიც, ეს კურსიც რომ იყოს შენარჩუნებული, რაც საეჭვოა ამ ხელისუფლების პირობებში და ლარი ჩამოინგრევა,"- განაცხადა გოცირიძემ.

ცნობისათვის, მთავრობამ 2021 წლის ბიუჯეტის პროექტი პარლამენტში გასულ კვირას შეიტანა.

იხილეთ ვიდეო: რომან გოცირიძე 2021 წლის ბიუჯეტის პროექტზე - რა ქამრების მოჭერა?! ფუფუნების არც-ერთი ხარჯი არ არის შემცირებული

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა