პოლონეთში ქვეყნისთვის კორონავირუსით დაღუპულთა რეკორდულად მაღალი დღიური რაოდენობა დაფიქსირდა

პოლონეთში, ბოლო 24 საათში, კორონავირუსით 58 ადამიანი დაიღუპა, რაც რეკორდულად მაღალი დღიური მაჩვენებელია ქვეყნისთვის, - ამის შესახებ ინფორმაციას Reuters-ი პოლონეთის ჯანდაცვის სამინისტროზე დაყრდნობით ავრცელებს.

მათივე ინფორმაციით, პოლონეთში, გასული დღე ღამის განმავლობაში, კოვიდ 19-ის 2 236 ახალი შემთხვევა დადასტურდა.

ქვეყნის ჯანდაცვის უწყებაში შეშფოთებას გამოხატავენ იმის გამო, რომ ბოლო კვირის განმავლობაში მნიშვნელოვნად მოიმატა ჰოსპიტალიზებული, მათ შორის რეანიმაციულ განყოფილებებში გადაყვანილი, პაციენტების რაოდენობამ. კერძოდ, ამჟამად საავადმყოფოებში 3 719 პაციენტს მკურნალობენ, მათ შორის 263 ხელოვნური სუნთქვის აპარატზეა მიერთებული, წინა კვირას კი ჰოსპიტალიზებული პაციენტების რაოდენობა 2 399 იყო და აპარატზე 141 მათგანი იყო მიერთებული.

„საავადმყოფოებში მკურნალობას უფრო მეტი და მეტი ადამიანი საჭიროებს, ასევე უფრო მეტი ადამიანი ხვდება რეანიმაციულ განყოფილებებში, ვინაიდან მათ ხელოვნური სუნთქვის აპარატი ესაჭიროებათ. ეს ძალიან შემაშფოთებელია,“- განაცხადა პოლონეთის ჯანდაცვის მინისტრის მოადგილემ ვალდემარ კრასკამ.

Reuters-ი წერს, რომ პოლონეთი პირველ ეტაპზე კორონავირუსს წარმატებით უმკლავდებოდა, თუმცა ქვეყანამ კოვიდ 19-თან დაკავშირებით დაწესებული შეზღუდვები მაისში გააუქმა და იმ პერიოდიდან ინფიცირების შემთხვევების ზრდა დაიწყო.

ბოლო მონაცემებით, პოლონეთში, საერთო ჯამში, კორონავირუსის 104 316 შემთხვევაა დადასტურებული, აქედან გამოჯანმრთელებულია 74 158 და დაღუპულია 2 717 ადამიანი.

იხილეთ ვიდეო: პოლონეთში ქვეყნისთვის კორონავირუსით დაღუპულთა რეკორდულად მაღალი დღიური რაოდენობა დაფიქსირდა

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები