რუსეთის პრეზიდენტი ვლადიმერ პუტინი აცხადებს, რომ რუსეთი კორონავირუსთან დაკავშირებით მოვლენების ნებისმიერი განვითარებისთვის მზადაა.
„ვირუსის საფრთხე ჯერ არ გამქრალა, მაგრამ სიტუაციის ნებისმიერად განვითარებისთვის მზად ვართ. ვიმოქმედებთ მკაფიოდ და თანმიმდევრულად და მხარს დავუჭერთ ჩვენს მოქალაქეებს, სოციალურ სფეროსა და ჯანდაცვის სისტემას. დარწმუნებული ვარ, ასეთი გადაწყვეტილებები დუმის ყველა ფრაქციის მხარდაჭერას მოიპოვებს,“- განაცხადა ვლადიმერ პუტინმა რუსეთის დუმის ფრაქციების ლიდერებთან დღეს გამართულ ონლაინ შეხვედრაზე.
ცნობისათვის, გასული დღე-ღამის განმავლობაში რუსეთში კორონავირუსის 11 000-ზე მეტი შემთხვევა დადასტურდა, რაც ყველაზე დიდი მაჩვენებელია ქვეყნისთვის 11 მაისის შემდეგ.