ლევან კობერიძე - პარლამენტი არ დაელოდა ვენეციის კომისიის დასკვნის გამოქვეყნებას, „ოცნება“ მზადაა, სასამართლო კლანს ნებისმიერი „კაპრიზი“ შეუსრულოს

ხელისუფლება დღეს არის სასამართლო კლანის გავლენის ქვეშ, - ამის შესახებ „ლელოს“ ვაკის მაჟორიტარი დეპუტატობის კანდიდატი ლევან კობერიძე აცხადებს და ევროკავშირის საგარეო საქმეთა და უსაფრთხოების პოლიტიკის წამყვანი სპიკერის პეტერ სატანოს საქართველოში უზენაესი სასამართლოს მოსამართლეების შერჩევის პროცესთან დაკავშირებით განცხადებას ეხმაურება.

კობერიძე თვლის, რომ „ქართული ოცნებისთვის“ მთავარი ამოცანაა ხელისუფლებაში დარჩენა, ამისთვის კი ყველა გზას იყენებს, მათ შორის სასამართლოს.

„რადგან „ქართული ოცნებისთვის“ მთავარი ამოცანა ხელისუფლებაში დარჩენაა, ამისთვის კი ყველა ხერხს იყენებს, მათ შორის სასამართლოსაც. სასამართლო არის სიტემა, სადაც არასამართლიანი არჩევნების ჩატარების შემთხვევაში უნდა მოხდეს დამდგარი შედეგის გასაჩივრება. ფაქტობრივად, დღეს ხელისუფლება მზადაა, ნებისმიერი „კაპრიზი“ შეუსრულოს სასამართლო კლანს და ამით მოიპოვოს მისგან ლმობიერება,“-აცხადებს კობერიძე.

“ლელოს” ვაკის მაჟორიტარი დეპუტატობის კანდიდატის თქმით, თუ ქვეყანაში არ არსებობს სამართლიანი სასამართლო, მაშინ ვერანაირ ინვესტიციაზე და ეკონომიკის განვითარებაზე ვერ ვისაუბრებთ.

„ქართულ ოცნებას“ აქვს იმედი, რომ სასამართლო სისტემასთან მაქსიმალურად ითანამშრომლებს, რაც სწორედ კლანის გადმობარებით გამოიხატება სააკაშვილ-ადეიშვილის სისტემიდან „ქართული ოცნების“ სისტემაში და ამით ცდილობენ, მართონ სასამართლო,“ - აღნიშნა კობერიძემ.

ცნობისათვის, ევროკავშირის საგარეო საქმეთა და უსაფრთხოების პოლიტიკის წამყვანი სპიკერი პეტერ სატანო საქართველოში უზენაესი სასამართლოს მოსამართლეების შერჩევის პროცესთან დაკავშირებით განცხადებს ავრცელებს.

განცხადების თანახმად, ევროკავშირი მწუხარებას გამოთქვამს, რომ პარლამენტი არ დაელოდა ვენეციის კომისიის დასკვნის გამოქვეყნებას. როგორც განცხადებაშია ნათქვამი, სასამართლო სისტემაში ეთიკისა და მთლიანობის უმაღლესი სტანდარტების დაცვა გადამწყვეტია საქართველოს სანდოობისათვის მისი მოქალაქეებისა და საერთაშორისო პარტნიორების თვალსაზრისით და ევროკავშირსა და საქართველოს შორის პარტნიორობის განვითარებისათვის.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია