კანადა და დიდი ბრიტანეთი კიდევ ერთხელ უსვამენ ხაზს ყარაბაღის კონფლიქტის ზონის გარშემო მიმდინარე სამხედრო მოქმედების დასრულების აუცილებლობას, - ამის შესახებ აღნიშნულია დიდი ბრიტანეთის საგარეო საქმეთა მინისტრის დომინიკ რააბისა და კანადის საგარეო საქმეთა მინისტრის, ფრანსუა-ფილიპ შამპანის, მიერ გავრცელებულ ერთობლივ განცხადებაში.
„განსაკუთრებით შეშფოთებულები ვართ მშვიდობიანი მოქალაქეებით დასახლებულ ადგილებში გახსნილი ცეცხლის გამო. გვსურს, სამძიმარი გამოვუცხადოთ ტრაგიკულად დაღუპულების ოჯახებს ,“- აღნიშნულია განცხადებაში.
დიდი ბრიტანეთისა და კანადის საგარეო უწყებების ხელმძღვანელები კონფლიქტის მონაწილე მხარეებს სამხედრო მოქმედების შეწყვეტისა და მოლაპარაკებების მაგიდასთან დაბრუნებისკენ მოუწოდებენ.