თენგიზ ცერცვაძე - საქართველოში კორონავირუსით სიკვდილობის მაჩვენებელი არის 0.6%, რაც გრიპის დროს გარდაცვალების მაჩვენებელს უახლოვდება

ჩვენ მივაღწიეთ იმას, რომ საქართველოში კორონავირუსით სიკვდილობის მაჩვენებელი არის 0.6%, რაც უახლოვდება გრიპის დროს გარდაცვალების მაჩვენებელს ,- ამის შესახებ ინფექციური საავადმყოფოს გენერალურმა დირექტორმა თენგიზ ცერცვაძემ ჟურნალისტებს კორონავირუსით გარდაცვლილთა მაჩვენებლების შესახებ საუბრისას განუცხადა.

„მინდა გითხრათ, რომ მიუხედავად ბოლო ორი კვირის განმავლობაში შემთხვევების მკვეთრი მატებისა, საქართველო დღემდე ინარჩუნებს იმ ქვეყნის სტატუსს, რომელსაც ევროპის 49 ქვეყანასა და ჩრდილოეთ ამერიკის ქვეყნებს შორის, ჰყავს ყველაზე ნაკლები გარდაცვლილი ავადმყოფი. გვყავს 58 გარდაცვლილი, რაც ჩვენთვის ჟღერს როგორც ბევრი, რადგან ნაკლებს ვიყავით მიჩვეული“, - აღნიშნა ცერცვაძემ.

მისი განცხადებით, ბოლო დღეებში გარდაცვალების ზრდა ინფიცირებულთა რაოდენობის ზრდას უკავშირდება.

„მობილობამ და შიდა შეზღუდვების მოხსნამ გამოიწვია შემთხვევების მატება. ბუნებრივია შემთხვევების მკვეთრ მატებას, სიკვდილობის რაღაც დონით მატება მოჰყვებოდა. 4 გარდაცვლილი დღეში ოჯახისთვის ტრაგედიაა ცხადია, მაგრამ არის ძალიან დაბალი მაჩვენებელი. ნებისმიერ სხვა ქვეყანაში 572 ახალ ავადმყოფზე სულ ცოტა 30-40 გარდაცვლილი ეყოლებოდათ, ჩვენ გვყავს 4“, - აღნიშნა ცერცვაძემ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს