მამაკაცი, რომელიც ბერლინის ერთ-ერთ სავაჭრო ცენტრში ბანკის ფილიალს თავს დაესხა, პოლიციამ დააკავა, მძევლები კი გაათავისუფლეს. ამის შესახებ ქალაქის პოლიციაში განაცხადეს.

მათი ინფორმაციით, გათავისუფლებულია სამი მძევალი. პოლიცია არ ავრცელებს ინფორმაციას, იყო თუ არა დამნაშავე შეიარაღებული.

დანაშაულის მოტივის შესახებ ინფორმაცია არ ვრცელდება.

მანამდე გავრცელებული ინფორმაციით, ბერლინში, ბანჰოფშტრასზე მდებარე სავაჭრო ცენტრში განთავსებულ ერთ-ერთი ბანკის ფილიალს მამაკაცი თავს დაესხა, რომელთან ერთად ორი პირი იმყოფებოდა. სავაჭრო ცენტრი ამ დროისთვის ევაკუირებულია. აღნიშნული რაიონი სამართალდამცავებს გადაკეტილი აქვთ.