ალექსეი ნავალნი ევროკავშირს მოუწოდებს, კრემლთან დაახლოებულ ოლიგარქებს მკაცრი სანქციები დაუწესოს

რუსი ოპოზიციონერი ალექსეი ნავალნი ევროკავშირს მოუწოდებს, კრემლთან დაახლოებულ ოლიგარქებს მკაცრი სანქციები დაუწესოს.

„სანქციები მთელი ქვეყნის წინააღმდეგ არ მუშაობს. მთავარია, რეჟიმის სპეკულანტებს შესვლაზე აკრძალვა დაუწესდეთ და მათი აქტივები გაიყინოს. ისინი ფლანგავენ ფულს, იპარავენ მილიარდებს და შაბათ-კვირას მიფრინავენ ბერლინში ან ლონდონში ძვირადღირებული აპარტამენტების შესაძენად და კაფეებში დასასხდომად,“- განაცხადა ნავალნიმ გერმანულ გამოცემა Bild-თან ინტერვიუში.

შეგახსენებთ, ალექსეი ნავალნი, 20 აგვისტოს ომსკის კლინიკაში მას შემდეგ მოათავსეს, რაც თვითმფრინავში თავი შეუძლოდ იგრძნო და გონება დაკარგა. ის 22 აგვისტოს, ახლობლების მოთხოვნით, ბერლინის კლინიკაში გადაიყვანეს. ტრანსპორტირებიდან რამდენიმე დღეში გერმანიის მთავრობამ განაცხადა, რომ ნავალნი „ნოვიჩოკის“ ტიპის ნერვული აგენტითაა მოწამლული. დასავლეთის ქვეყნების მთავრობები რუსეთს ნავალნის საქმის გამჭირვალედ და ობიექტურად გამოძიებისკენ მოუწოდებენ, წინააღმდეგ შემთხვევაში კი სანქციების დაწესებით ემუქრებიან. მოსკოვი აღნიშნულ საქმესთან კავშირს უარყოფს და ნავალნის მოწამვლის ფაქტს ეჭვქვეშ აყენებს.

გუშინ „ქიმიური იარაღის აკრძალვის ორგანიზაციამ“ გაავრცელა განცხადება, რომელშიც აღნიშნული იყო, რომ ნავალნის სისხლის ნიმუშში ნერვული აგენტის, „ნოვიჩოკის„ კვალი აღმოჩნდა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს