მთავრობის ადმინისტრაციასთან ოკუპირებულ აფხაზეთში უკანონოდ დაკავებული ირაკლი ბებუას სოლიდარობის აქცია გაიმართა

„სოლიდარობა ირაკლი ბებუას“ - ამ სლოგანით მთავრობის ადმინისტრაციის შენობასთან სამოქალაქო აქტივისტებმა ოკუპირებულ აფხაზეთში ე.წ. აფხაზეთის სახელმწიფო დროშის დაწვის გამო დაკავებული ირაკლი ბებუას მხარდასაჭერი აქცია გაიმართეს. აქტივისტები მოუწოდებენ საქართველოს ხელისუფლებას, რომ ოკუპანტების მიერ დაკავებული საქართველოს მოქალაქე დაიცვას ყველა იმ შესაძლებლობით, რომელიც მას გააჩნია. ასევე, აქტივისტები მიიჩნევენ, რომ ბებუას დროულად გათავისუფლების საკითხში უნდა ჩაერთოს საერთაშორისო საზოგადოება.

„ყურადღება უნდა მიექცეს ირაკლი ბებუას მდგომარეობას, რადგან წინა გამოცდილებები გვაჩვენებს, თუ როგორ ექცეოდა ე.წ სამხრეთ ოსეთის „ადმინისტრაცია“ ჩვენს მოქალაქეებს. ასევე არის ეჭვი, რომ შესაძლოა, მსგავსი რამ ბებუასთან მიმართებაშიც განმეორდეს. ამიტომ, აუცილებელია საერთაშორისო საზოგადოების ჩართულობა და უნდა გააქტიურდეს ჩვენი ხელისუფლება", - განაცხადა სამოქალაქო აქტივისტმა გიორგი მუმლაძემ.

„იმ ფონზე, რომ საქართველოს მოქმედი ხელისუფლება არ იცავს თავის მოქალაქეებს, არ გვაქვს მოლოდინი, რომ ხელისუფლება, პრეზიდენტი, პრემიერ-მინისტრი, ძალოვანი სტრუქტურები რამეს მოიმოქმედებენ, იმისათვის, რათა საკუთარ მოქალაქეს აგრძნობინონ, რომ მარტო არ არის. ზუსტად ამიტომ არის ხალხი ქუჩაში და ამიტომ უნდა დადგეს საზოგადოება ერთმანეთის გვერდით. სრულ მხარდაჭერას ვუცხადებთ საქართველოს მოქალაქეს, რომელმაც საკუთარი ქვეყნის ღირსებაზე იზრუნა“, - განაცხადა გიგა მაქარაშვილმა.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს