გიგი წერეთელი - რუსეთი ჯიუტად აგრძელებს თავის სტრატეგიას, რომ არ შედგეს მოლაპარაკება და არ აღიაროს ამ კონფლიქტში თავისი როლი

ეუთოს საპარლამენტო ასამბლეის პრეზიდენტი, „ევროპული საქართველოს“ ერთ-ერთი ლიდერი, გიგი წერეთელი, რუსეთის მხრიდან ჟენევის მოლაპარაკებების ჩაშლას ეხმაურება.

გიგი წერეთლის განცხადებით, იქ, სადაც საქართველოსთან ერთად მოლაპარაკებებში ჩართულნი არიან საერთაშორისო პარტნიორები, რუსეთი ცდილობს, რომ არ იყოს კონსტრუქციული. მისივე თქმით, რუსეთი ჯიუტად აგრძელებს თავის სტრატეგიას, რომ არ აღიაროს თავისი როლი ამ კონფლიქტში.

„რუსეთი მუდმივად ცდილობს, რომ ჟენევის მოლაპარაკებების ფორმატში არ იყოს კონსტრუქციული მუშაობა, იქ, სადაც საქართველოს საერთაშორისო პარტნიორებღან ერთად, ეუთოსთან, ამერიკის შეერთებულ შტატებთან, ევროკავშირთან აქვს საშუალება რუსეთს პირდაპირ ელაპარაკოს. ასევე ჩართულები არიან დე-ფაქტო ხელისუფლების წარმომადგენლებიც, თუმცა რუსეთი ჯიუტად აგრძელებს თავის სტრატეგიას, რომ არ შედგეს მოლაპარაკება და არ აღიაროს ამ კონფლიქტში თავისი როლი, არ მოაწეროს ხელი ძალის გამოუყენებლობას, არ შეუწყოს ხელი დევნილების დაბრუნებას და ეს მცდელობები სახეზეა. კიდევ ერთი ჩაშლილი მოლაპარაკება იმის გამო, რომ რუსეთი არ გამოცხადდა საერთოდ და ყველა მიზეზს პოულობს იმისათვის, რომ რაიმე კონსტრუქციული ნაბიჯი არ იყოს გადადგმული“, - აცხადებს გიგი წერეთელი.

პატრიარქის სააღდგომო ეპისტოლე
ქართული პრესის მიმოხილვა 05.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს