კახა კალაძე - აუქციონი გვინდა გამოვაცხადოთ, რომ 2 მლნ ლარის ინვესტიცია განხორციელდეს ყოფილი იპოდრომის მიმდებარედ არსებულ კორტების ტერიტორიაზე

გვინდა გამოვაცხადოთ აუქციონი იმასთან დაკავშირებით, რომ 2 მილიონი ლარის ინვესტიცია განხორციელდეს ყოფილი იპოდრომის მიმდებარედ არსებული კორტების ტერიტორიაზე და გამარჯვებულმა კომპანიამ 7 174კვ.მ. ფართობზე ორი წლის ვადაში მოაწყოს 4 ღია საჩოგბურთო კორტი, 1 ღია ან დახურული საცურაო აუზი და 1 სავარჯიშო-სატრენაჟორო დარბაზი. ობიექტის პრივატიზაციის პირველადი საწყისი თანხა 5 775 000 ლარს შეადგენს, - ამის შესახებ დედაქალაქის მთავრობის სხდომაზე თბილისის მერმა კახა კალაძემ განაცხადა.

მისივე თქმით, კორტების ტერიტორია 2009 წელს გასხვისდა, თუმცა მერიამ მოახერხა და აღნიშნული ობიექტი მუნიციპალიტეტს დაუბრუნდა და არის მუნიციპალიტეტის საკუთრება.

„ყოფილი იპოდრომის მიმდებარედ არსებული კორტების ტერიტორია 2009 წელს იქნა გასხვისებული, სადაც მშენებლობები უნდა განხორციელებულიყო და რა თქმა უნდა, როგორც ადგილობრივი მოსახლეობისთვის, ასევე ქალაქისთვის სერიოზულ პრობლემას წარმოადგენდა. რაც მერიაში უფლებამოსილების განხორციელება დავიწყეთ, პირადად ვიცე-მერი ირაკლი ხმალაძე იყო ჩართული, ჩვენი თანამშრომლები და მეც ამ მოლაპარაკებებში ვიყავით ჩართული, რომ როგორმე ინვესტორთან მიგვეღწია იმ შედეგს, რომ კორტები დაბრუნებოდა მუნიციპალიტეტს და გაგვეკეთებინა ამ კონკრეტული მიწის ნაკვეთის ადგილმონაცვლეობა. ჩვენ, რა თქმა უნდა, წარმატებით დავასრულეთ მოლაპარაკება, განხორციელდა ადგილმონაცვლეობა და გვინდა, რომ ამ კონკრეტულ ადგილზე კორტების ადგილი აღვადგინოთ თავდაპირველი სახით, სადაც ყველა ადამიანს, იქ მცხოვრებ ადამიანებს ექნებათ შესაძლებლობა ისარგებლონ ამ სპორტული კომპლექსით“, - განაცხადა კახა კალაძემ.

იხილეთ ვიდეო: იპოდრომის ყოფილ ტერიტორიაზე ცენტრალური პარკის განთავსების სამუშაოები 19 ოქტომბერს დაიწყება და 2 წელი გაგრძელდება

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს