სირიის პრეზიდენტი ბაშარ ასადი აცხადებს, რომ კორონავირუსის საწინააღმდეგო რუსული ვაქცინით აცრის სურვილი აქვს.
„რა თქმა უნდა, ამ ვითარებაში ყველას სურს ამ საშიში ვირუსის საწინააღმდეგო ვაქცინაცია”, - განაცხადა ასადმა „რია ნოვოსტისთან“ ინტერვიუში.
მისივე თქმით, რუსული ვაქცინით მომარაგების საკითხზე სირია მოლაპარაკებებს გეგმავს.
შეგახსენებთ, რუსეთის ჯანდაცვის სამინისტრომ „გამალეიას ინსტიტუტის“ მიერ წარმოებული კორონავირუსის საწინააღმდეგო ვაქცინა - „სპუტნიკ V“- 11 აგვისტოს ოფიციალურად დაარეგისტრირა.