გიორგი გახარია - საქართველო დაინტერესებულია, სომხეთსა და აზერბაიჯანს შორის გაურკვევლობა და კონფლიქტი მხოლოდ და მხოლოდ მოლაპარაკებების გზით მოგვარდეს

პრემიერ-მინისტრ გიორგი გახარიას განცხადებით, საქართველო პირდაპირ არის დაინტერესებული იმით, რომ სომხეთსა და აზერბაიჯანს შორის გაურკვევლობა და კონფლიქტი მხოლოდ და მხოლოდ მოლაპარაკებების გზით მოგვარდეს.

კითხვაზე, იყო თუ არა გამოხმაურება მხარეების მხრიდან, მას შემდეგ, რაც საქართველომ სომხეთ-აზერბაიჯანს დიალოგისთვის თბილისში შეხვედრა შესთავაზა, გახარიამ განმარტა, რომ იქნება გამოხმაურება თუ არა, საქართველო ყოველთვის მზაობას გამოხატავს და თავის წვლილს შეიტანს მშვიდობის დამყარებაში.

„როდესაც ჩვენს სამეზობლოში ნამდვილი ომი მიმდინარეობს, საქართველოსთვის ეს უდიდესი რისკია. რა თქმა უნდა, ჩვენ ყველაფერს გავაკეთებთ, გვექნება გამოხმაურება თუ არა, რომ ჩვენი შესაძლებლობები, მზაობა გამოვუხატოთ ჩვენს მეზობლებს და რა შესაძლებლობაც გვაქვს, ის წვლილი შევიტანოთ მშვიდობის დამყარებაში. ყველას კარგად გვესმის, რომ როცა რეგიონში მიმდინარე ომზე ვსაუბრობთ, ჩვენ გვყავს ჩვენი მოქალაქეები, როგორც სომეხი, ასევე აზერბაიჯანელი. საქართველო პირდაპირ არის დაინტერესებული იმით, რომ ჩვენს რეგიონში ნებისმიერი სახის გაურკვევლობა და კონფლიქტი მხოლოდ და მხოლოდ მოლაპარაკებების გზით მოგვარდეს. ჩვენ რაც შეგვიძლია, ამისთვის ყველაფერს გავაკეთებთ“, - განაცხადა გახარიამ.

ცნობისთვის, საქართველომ ხელისუფლებამ სომხეთ-აზერბაიჯანს დიალოგისთვის თბილისში შეხვედრა შესთავაზა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)