ეკატერინე ტიკარაძე - იმისთვის, რომ ჯანდაცვის სისტემამ სრულფასოვნად იმოქმედოს, საჭიროა რამდენიმე წელი და ვერავითარ შემთხვევაში ხარისხიან ჯანდაცვის სისტემას ვერ ავაშენებდით 6 თვეში

იმისთვის, რომ ჯანდაცვის სისტემამ სრულფასოვნად იმოქმედოს, საჭიროა რამდენიმე წელი და ვერავითარ შემთხვევაში ხარისხიან ჯანდაცვის სისტემას ვერ ავაშენებდით 6 თვეში, - ამის შესახებ საქართველოს ჯანდაცვის მინისტრმა ეკატერინე ტიკარაძემ მთავრობის ადმინისტრაციაში გამართულ ბრიფინგზე განაცხადა. როგორც ტიკარაძემ აღნიშნა, კორონავირუსის პანდემიის დაწყებიდან საქართველომ ყველაფერი გააკეთა, რისი გაკეთების შესაძლებლობასაც ჯანდაცვის სისტემა იძლეოდა.

რაც შეეხება პაციენტების სხვადასხვა რეგიონიდან თბილისში გადმოყვანას, მინისტრის თქმით, ეს განპირობებულია იმით, რომ სხვადასხვა სერვისები ხშირ შემთხვევაში მხოლოდ თბილისშია ლოკალიზებული და სხვა ქალაქში ხელმისაწვდომი არ არის.

„რაც შეეხება პაციენტების მკურნალობას, მნიშვნელოვანია გავითვალისწინოთ, რომ პაციენტების სხვადასხვა ლოკაციაზე გადაყვანა არის საქართველოს საკმაოდ ხანგრძლივი პრაქტიკა, რომელიც ნამდვილად არ არის კარგი პრაქტიკა; მაგრამ არ ხდება ჯანდაცვის სისტემის სრული რეორგანიზაცია და მისი სისტემაში მოყვანა 6 თვეში, ვინაიდან ამას სჭირდება წლები.

ის პაციენტები, რომლებიც დღესდღეობით იმყოფებიან ბათუმში, ისინი აჭარის რეგიონს არ ტოვებენ იმიტომ, რომ მათ ყურადღებას არ აქცევენ, ან მათი სიკვდილობა არის მაღალი იმის გამო, რომ ბათუმში ცუდი სპეციალისტები არიან. არსებობს გარკვეული სერვისები, რომელიც საქართველოს ჯანდაცვის სისტემიდან გამომდინარე ლოკალიზებულია მხოლოდ ერთ ქალაქში და ეს არის ხშირ შემთხვევაში თბილისი, სწორედ აქედან გამომდინარე მათი გადმოყვანა ჩაითვალა მიზანშეწონილად“, - განაცხადა ტიკარაძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა