ვარკეთილის დასახლებაში ჭიდაობის დარბაზი გაიხსნა

თბილისის მერმა კახა კალაძემ მერის მოადგილე ანდრია ბასილაიასთან და კულტურის, განათლების, სპორტისა და ახალგაზრდულ საქმეთა საქალაქო სამსახურის უფროსთან ირაკლი გვილავასთან ერთად, სამგორის რაიონში, კერძოდ, ვარკეთილის დასახლებაში ჭიდაობის დარბაზი გახსნა.

როგორც „ინტერპრესნიუსს“ თბილისის მერიიდან აცნობეს, თბილისის მერის კახა კალაძის განცხადებით, მომავალ წელს, აღნიშნულ ტერიტორიაზე საფეხბურთო და საკალათბურთო მოედნებიც გაკეთდება. ასევე, იგეგმება საბავშვო ბაღის მშენებლობა.

„ეს იყო ჩვენი დაპირება ადგილობრივი მოსახლეობისთვის. აქ იყო სპორტული დარბაზი, თუმცა არ ვიცი, რამდენად შეიძლება ვუწოდო მას სპორტული დარბაზი, ალბათ ნახეთ კადრები და ფოტოსურათები, სადაც აღბეჭდილია, თუ რა მდგომარეობა იყო, სრული კატასტროფა ხდებოდა. დღეს ეს სივრცე არის განახლებული და რეაბილიტირებული. ორი დიდი დარბაზია - სატრენაჟორო დარბაზი და საჭიდაო, რომელიც სხვადასხვა მიმართულებითაც შეგვიძლია გამოვიყენოთ. აქვე, მომავალ წელს ვგეგმავთ საფეხბურთო და საკალათბურთო მოედნების პროექტის განხორციელებას, გვერდით იგეგმება საბავშვო ბაღის მშენებლობაც. ეს იქნება ძალიან დიდი, მულტიფუნქციური სივრცე, სადაც ადგილობრივ მოსახლეობას, ახალგაზრდებს, ბავშვებს ექნებათ შესაძლებლობა, ისარგებლონ ამ ინფრასტრუქტურით. დაახლოებით 500 მოზარდის მიღება შეგვეძლება მომდევნო წლების განმავლობაში“, - განაცხადა კახა კალაძემ.

დიდ ლილოში, ვარკეთილის დასახლებაში არსებული შენობის რეკონსტრუქციის და რეაბილიტაციის სამუშაოები თბილისის მერიის ინიციატივით განხორციელდა. პროექტის საერთო ბიუჯეტი 906 179 ლარს შეადგენს.

ჭიდაობის დარბაზი თბილისის მერთან ერთად, საკრებულოს თავმჯდომარე გიორგი ტყემალაძემ დაათვალიერა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა