კახა კახიშვილი - ისნის მცხოვრებლებს საშუალება ექნებათ  მათსავე უბანში დასაქმდნენ

„საქართველოს ეროვნულ უნივერსიტეტში საარჩევნო პროგრამის ფარგლებში ერთ-ერთი ყველაზე მნიშვნელოვანი ინიციატივის - დასაქმების პროგრამის პრეზენტაცია გავმართე. პროგრამა იმ კომპანიების წარმომადგენლებს გავაცანი, რომლებიც დედაქალაქში ძირითადად ინფრასტრუქტურულ პროექტებს ახორციელებენ“, - ამის შესახებ „ქართული ოცნების“ ისნის მაჟორიტარი დეპუტატობის კანდიდატმა, კახა კახიშვილმა განაცხადა.

ახალი ინიციატივა ისნის მცხოვრებლების საკუთარ უბანში დასაქმების საშუალებას იძლევა, რაც ადგილობრივებს საკუთარი გარემოს განვითარებაში წვლილის შეტანის შესაძლებლობას მისცემს.

„ინიციატივის თანახმად, ისნის რაიონის მცხოვრებლებს საშუალება ექნებათ, მათსავე უბანში დასაქმდნენ, გაუჩნდეთ შემოსავალი და საკუთარი საცხოვრებელი გარემოს განვითარებაში წვლილი შეიტანონ. პროექტის მიხედვით, შეიქმნება სპეციალური ვებგვერდი isani.hr.ge, სადაც ისნის რაიონში მცხოვრები მოქალაქეები დარეგისტრირდებიან და საკუთარ მონაცემებს შეიყვანენ.შემდგომ კი, როდესაც რაიონის მასშტაბით განსახორციელებელი ინფრასტრუქტურული სამუშაოებისთვის შესაბამისი სტრუქტურა ტენდერს გამოაცხადებს, ერთ-ერთი სატენდეტო პირობა სწორედ ადგილობრივი მოსახლეობის გარკვეული რაოდენობის დასაქმება იქნება. შესაბამისი პროფესიისა და კვალიფიკაციის ადამიანების მოძებნა კი დამსაქმებელს სწორედ აღნიშნულ ვებ გვერდზე შეეძლება.დასაქმების აღნიშნული პროგრამა პირველ რიგში, ხელს შეუწყობს რაიონში მცხოვრებ იმ უამრავ ადამიანს, რომლებიც სხვადასხვა ხელობას მაღალ დონეზე ფლობენ და დასაქმების პრობლემა აქვთ. გარდა იმისა, რომ ეს იქნება ახალგაზრდებისთვის, პენსიონერებისთვის თუ დროებით უმუშევრებისთვის ფინანსური წახალისება ასევე, გახდება მოტივაცია უფრო მეტად გაუფრთხილდნენ და მოუარონ საკუთარ საცხოვრებელ სივრცეში არსებულ ინფრასტრუქტურას, რომელიც უშუალოდ მათი მონაწილეობით, მათი შრომით შეიქმნება; ეს იქნება სკვერი, გზის საფარი, სპორტულ-გამაჯანსაღებელი დანიშნულების ობიექტი თუ სხვა რამ“, - აცხადებს კახიშვილი.

მისივე თქმით, ვებ-გვერდზე, დასაქმების მსურველთა ელექტრონული ბაზასთან ერთად განთავსდება პროფესიული სასწავლებლების ბმულებიც, რაც საშუალებას მისცემს ადამიანებს, დაეუფლონ სხვადასხვა პროფესიებს და მომავალში დასაქმების კიდევ უფრო მეტი შესაძლებლობა გაუჩნდეთ.

„ისევე, როგორც დღევანდელი ხელისუფლებისთვის, ჩემთვის პრიორიტეტი და უპირველესი საზრუნავი ადამიანების კეთილდღეობაა. სწორედ ამიტომ, ჩემი ინიციატივები და გეგმები მაქსიმალურადაა მორგებული ისნის რაიონის მცხოვრებთა საჭიროებებზე. შეხვედრისას კომპანიების წარმომადგენლებმა დასაქმების ვებგვერდის იდეას მხარი დაუჭირეს და აღნიშნეს, რომ მსგავსი პროექტი მათთვის მისაღებია, რადგან ხშირ შემთხვევაში სხვადასხვა ხელობის მქონე პროფესიონალი კადრების მოძიება უჭირთ. აღნიშნული პროექტის განხორციელების შემდეგ კი გაუადვილდებათ სამუშაოების განხორციელება, რადგან ერთიან ბაზაში თანამშრომლების მოძიება და რაც მთავარია, ადგილობრივი მოსახლეობის დასაქმება მათთვისაც მომგებიანია“, - აღნიშნავს კახიშვილი.

ინფორმაციას მაჟორიტარი დეპუტატობის კანდიდატის პრესსამსახური ავრცელებს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა