„მრავალეროვანი საქართველო“ შეშფოთებას გამოთქვამს მთიან ყარაბაღში მიმდინარე სამხედრო მოქმედებებთან დაკავშირებით, საქართველოში მოქმედი რიგი პარტიების  განცხადებების გამო

საერთო-სამოქალაქო მოძრაობა „მრავალეროვანი საქართველო“ შეშფოთებულია 2020 წლის სექტემბერში, მთიანი ყარაბაღის ტერიტორიაზე მიმდინარე სამხედრო მოქმედებებთან დაკავშირებით, საქართველოში მოქმედი რიგი პოლიტიკური პარტიების წარმომადგენელთა მიერ წინასაარჩევნო პერიოდში გაკეთებული განცხადებების გამო. ამის შესახებ ნათქვამია „მრავალეროვანი საქართველოს“ განცხადებაში.

„მრავალეროვანი საქართველო“ მიმართავს საქართველოში მოქმედ ყველა პოლიტიკურ პარტიას, განსაკუთრებული სიფრთხილით და პასუხისმგებლობით მოეკიდონ ყოველ სიტყვას, რომელიც შესაძლოა გახდეს შუღლის გაღვივების მიზეზი, საქართველოში მცხოვრებ, ეთნიკური უმცირესობის ორ ყველაზე მრავალრიცხოვან, აზერბაიჯანულ და სომხურ თემს შორის.

„ორგანიზაცია შეახსენებს პოლიტიკურ პარტიებს და მათ წარმომადგენლებს, როგორც მოქმედი პარლამენტის წევრებს, ისე დეპუტატობის კანდიდატებს, რომ საქართველოს პარლამენტის წევრობა და წევრობის სურვილი გულისხმობს მაღალ მოქალაქეობრივ პასუხისმგებლობას, საქართველოს ინტერესების დაცვას და სახელმწიფოებრივ აზროვნებას, ასევე იმასაც, რომ მათი უმთავრესი საზრუნავი უნდა იყოს მშვიდობა და ქვეყნის განვითარება.

„მრავალეროვანი საქართველო“ მიიჩნევს, რომ პოლიტიკოსთა გარკვეული ნაწილის მოწოდებები ძალადობისაკენ, ასევე წინასაარჩევნოდ, მთიან ყარაბაღში მიმდინარე კონფლიქტის თემის გამოყენება უპასუხიმგებლობაა და მოუწოდებს საარჩევნო პროცესებში ჩართულ სუბიექტებს, იხელმძღვანელონ სახელმწიფოებრივი ინტერესებით“, - ნათქვამია განცხადებაში.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება