ზურაბ ჭიაბერაშვილი - მსოფლიო ბანკის ანგარიში ადასტურებს, რომ „ოცნებას“ მორიგი გაუთვლელი და არასწორი პროგნოზი ჰქონდა

„ევროპული საქართველოს“ მაჟორიტარობის კანდიდატი თელავის, ახმეტის, ყვარლისა და ლაგოდეხის ოლქში, ზურაბ ჭიაბერაშვილი, მსოფლიო ბანკის ანგარიშს ეხმაურება, რომლის პროგნოზითაც საქართველოს ეკონომიკის ვარდნა წელს 6% იქნება და აღნიშნავს, რომ ეს ანგარიში კიდევ ერთხელ ადასტურებს, რომ „ქართულ ოცნებას“ ჰქონდა მორიგი გაუთვლელი და არასწორი პროგნოზი.

მისივე თქმით, მთავრობის მხრიდან ეს იყოს ბაქიბუქი და თავის მოწონება.

ჭიაბერაშვილმა აღნიშნა, რომ ივანიშვილის ხელისუფლებაში დატოვება ნიშნავს ამ კრიზისის კიდევ უფრო გაღრმავებას.

„კიდევ ერთხელ დადასტურდა „ქართული ოცნების“ მორიგი გაუთვლელი და არასწორი პროგნოზი იმასთან დაკავშირებით, რამდენად შემცირდებოდა კორონაპანდემის პირობებში საქართველოს ეკონომიკა და აქაც საქმე გვქონდა ბაქიბუქთან და თავის მოწონებასთან. ჩვენ თავიდანვე ვვარაუდობდით, როგორც დღეს მსოფლიო ბანკი ადასტურებს, რომ გაცილებით უფრო ღრმა არის ეს კრიზისი და გაცილებით უფრო მეტი ვარდნა იქნება. ესეც კიდევ ერთი ნათელი დადასტურებაა, რომ რეალურ სიტუაციას დღევანდელი ხელისუფლება არ ფლობს და მხოლოდ ხელისუფლებიდან მათი ჩამოცილება, მხოლოდ გარდამტეხი ცვლილება 31 ოქტომბერს არის საშუალება, რომ ჩვენ ეკონომიკასაც ადეკვატურად მივხედოთ და ეპიდემიაც ადეკვატურად ვმართოთ. ხელისუფლებაში ივანიშვილის და ამ მთავრობის დატოვება ნიშნავს ამ კრიზისის კიდევ უფრო ღრმად გაგრძელებას, რაც აისახება ძალიან ბევრ ოჯახზე ძალიან მძიმედ“, - განაცხადა ზურაბ ჭიაბერაშვილმა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა