საქართველოს პრემიერ-მინისტრი ევროსაბჭოს ოფისის ახალ ხელმძღვანელს შეხვდა

საქართველოს პრემიერ-მინისტრი გიორგი გახარია ევროსაბჭოს ოფისის ახალ ხელმძღვანელს ნატალია ვუტოვას შეხვდა.

როგორც „ინტერპრესნიუსს“ მთავრობის ადმინისტრაციიდან აცნობეს, გაცნობითი ხასიათის შეხვედრაზე, გიორგი გახარიამ ევროსაბჭოს ოფისის ხელმძღვანელს მისიის დაწყება მიულოცა და ევროსაბჭოს ოფისთან მჭიდრო თანამშრომლობის გაგრძელების მზადყოფნა გამოთქვა.

ევროსაბჭოს ოფისის ხელმძღვანელმა განსაკუთრებით აღნიშნა საქართველოს წარმატება covid-19-თან ბრძოლის მართვის კუთხით, ასევე ხაზი გაუსვა პანდემიის მიუხედავად ევროპის საბჭოს მინისტრთა კომიტეტში საქართველოს წარმატებულ თავმჯდომარეობას.

„შეხვედრაზე აღინიშნა ადამიანის უფლებების დაცვისა და დემოკრატიის განმტკიცების მიმართულებით საქართველოს მიერ მიღწეული პროგრესი, ასევე, ამ მხრივ, რეფორმების გაგრძელებისა და ევროსაბჭოს შემდგომი მხარდაჭერის მნიშვნელობა. პრემიერმა ხაზი გაუსვა 31 ოქტომბრის საპარლამენტო არჩევნების თავისუფალ, სამართლიან და დემოკრატიულ გარემოში ჩატარების მნიშვნელობას. პრემიერ-მინისტრმა და ევროსაბჭოს ოფისის ხელმძღვანელმა ასევე განიხილეს რეგიონში მიმდინარე პროცესები. შეხვედრას საქართველოს მთავრობის ადმინისტრაციის უფროსი ნათია მეზვრიშვილი დაესწრო“,- ნათქვამია ინფორმაციაში.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 09.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“