საქართველოს სამედიცინო ასოციაციების გაერთიანების საერთო ყრილობის თარიღად 2020 წლის 24 ოქტომბერი განისაზღვრა.
როგორც „ინტერპრესნიუსს“ „საქართველოს სამედიცინო ასოციაციების გაერთიანებიდან“ აცნობეს, ყრილობა გაიმართება მთაწმიდნის პარკის „ანდერვილ კლუბის“ (Underwheel Club) ღია სივრცეში.
„ყრილობაზე წარმოდგენილი და დამტკიცებული იქნება კონკრეტული სამოქმედო გეგმა და საკანონმდებლო ინიციატივები, რომლებიც უზრუნველყოფენ დარგობრივი ასოციაციებისთვის იმ ფუნქციების მინიჭებას, რომლებიც გახდება საფუძველი, რომ მათ ისეთივე როლის შესრულება შესძლონ სამედიცინო სფეროში , რასაც პროფესიული ასოციაციები ასრულებენ სხვა განვითარებულ ქვეყნებში.
ონლაინ რეგისტრაცია დაწყებულია სამედიცინო ასოციაციების გაერთიანების ვებ გვერდის მეშვეობით: http://www.ugma.ge/ge/?option=com_rsform&formId=5
რეგისტრაცია ამ ეტაპზე უფასოა“,- ნათქვამია ინფორმაციაში.