სასაზღვრო პოლიციის უფროსი საფრანგეთის ელჩს შეხვდა

სასაზღვრო პოლიციის უფროსის მოვალეობის შემსრულებელმა, პოლკოვნიკმა ნიკოლოზ შარაძემ საქართველოში საფრანგეთის ელჩთან, დიეგო კოლასთან, გაცნობითი ხასიათის შეხვედრა გამართა.

როგორც „ინტერპრესნიუსს“ შინაგან საქმეთ სამინისტროდან აცნობეს, შეხვედრას თავდაცვის ატაშე დანი პიტი და პოლიციის ატაშე ერვე ჟამე დაესწრნენ.

„შეხვედრაზე მხარეებმა სასაზღვრო პოლიციასა და საფრანგეთის საელჩოს შორის არსებულ თანამშრომლობაზე ისაუბრეს. პოლკოვნიკმა ნიკოლოზ შარაძემ დელეგაციის წევრებს სასაზღვრო პოლიციის პრიორიტეტები და მიმდინარე პროექტები გააცნო. განსაკუთრებული ყურადღება გამახვილდა თანამშრომლობის გაღრმავების მიმართულებებზე. შეხვედრაზე მხარეებმა უსაფრთხოების საკითხები და ამ მიმართულებით არსებული გამოწვევებიც მიმოიხილეს”, - ნათქვამია ინფორმაციაში.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს