სხვადასხვა სამუშაოების გამო 9 ოქტომბერს ელექტრომომარაგება დედაქალაქის რამდენიმე რაიონს დროებით შეეზღუდება.

ამის შესახებ „ინტერპრესნიუსს“ „თელასიდან“ აცნობეს.

„ გადაუდებელი სამუშაოების გამო ისნის რაიონში, 10:00 საათიდან 15:00 საათამდე შეზღუდვა შეეხება: ვაზისუბნის III მიკრორაიონის II კვარტლის მოსახლეობას. საბურთალოს რაიონში გადაუდებელი სამუშაოების გამო 10:00 საათიდან 15:00 საათამდე შეზღუდვა შეეხება: დიდი დიღმის III მიკრორაიონის, მეფე მირიანის, იბერის და დემეტრე თავდადებულის ქუჩების მოსახლეობას. გლდანის რაიონის ქსელში გადართვების გამო 00:00 საათიდან 03:00 საათამდე შეზღუდვა შეეხება: გლდანის მასივის I, VI მიკრორაიონების და ვეკუას ქუჩის მოსახლეობას. გადაუდებელი სამუშაოების გამო 10:00 საათიდან 17:00 საათამდე შეზღუდვა შეეხება: გლდანის მასივის III, V, VII, VIII მიკრორაიონების და ომარ ხიზანიშვილის ქუჩის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება“, - ნათქვამია ინფორმაციაში.