ანრი ოხანაშვილის განცხადებით, საქართველო-აზერბაიჯანის საზღვრის დამდგენ კომისიაში აქამდე არსებული შეთანხმებები უნდა გადაიხედოს და საბოლოო გადაწყვეტილებების მიღება ქვეყნის ინტერესების შესაბამისად მოხდეს

"ქართული ოცნების" წარმომადგენლის ანრი ოხანაშვილის განცხადებით, საქართველო-აზერბაიჯანის საზღვრის დამდგენ კომისიაში აქამდე არსებული შეთანხმებები უნდა გადაიხედოს და საბოლოო გადაწყვეტილებების მიღება ქვეყნის ინტერესების შესაბამისად მოხდეს.

ოხანაშვილმა ჟურნალისტებთან საუბრისას ასევე განაცხადა, რომ დაწყებული გამოძიება აზერბაიჯანის სახელმწიფოსთან კეთილმეზობლურ ურთიერთობას კითხვის ქვეშ ვერ დააყენებს და საუბარი აზერბაიჯანთან რაიმე პრეტენზიებზე არ არის.

"ძალიან ძნელი მოსასმენი იყო, რაც პროკურატურის მხრიდან გაჟღერდა. როდესაც შენი ქვეყნის მოქალაქე სავარაუდოდ, ქვეყნის საწინააღმდეგო მოქმედებს და საუბარია ტერიტორიული მთლიანობის წინააღმდეგ მოქმედებაზე, რა თქმა უნდა, ძალიან მძიმე ფაქტია და ეს არავის უხარია. ნებისმიერ სამართლებრივ სახელმწიფოში ასეთ ქმედებას, რა თქმა უნდა, შესაბამისი სამართლებრივი რეაგირება უნდა მოჰყვეს. როგორც ჩანს, პროკურატურას აქვს იმ ფაქტებისა და ინფორმაციის ერთობლიობა, რაც ბრალის წასაყენებლად საკმარისია. საბოლოო ბრალეულობის საკითხი სასამართლოს შეფასების საგანია",-აღნიშნა ოხანაშვილმა ჟურნალისტებთან საუბრისას.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა