მამუკა მდინარაძე - თურმე, მხარი უნდა დავუჭიროთ ადამიანებს, რომლებსაც ყველაზე მნიშვნელოვანი, 1938 წლის რუქა, სადღაც ჰქონიათ შეტენილი და მალავდნენ, რომ საზღვარი საქართველოს საზიანოდ დადგენილიყო

თურმე, მხარი უნდა დავუჭიროთ იმ ადამიანებს, რომლებსაც ყველაზე მნიშვნელოვანი - 1938 წლის რუქა, სადღაც ჰქონიათ შეტენილი და მალავდნენ იმისათვის, რომ საქართველოს საზღვარი საქართველოს საზიანოდ დადგენილიყო, - ასე ეხმაურება საპარლამენტო უმრავლესობის ლიდერი მამუკა მდინარაძე ოპონენტების ბრალდებებს საქართველო-აზერბაიჯანის საზღვრის დელიმიტაცია-დემარკაციის პროცესთან დაკავშირებით.

მდინარაძის შეფასებით, სამშობლოს გაყიდვის ამაზე კლასიკური მაგალითი საქართველოს უახლოეს ისტორიაში ნანახი არ აქვს.

,,დავით გარეჯი აპრიორი, ჩვენი ტერიტორია იყო და იქნება. ამასთან დაკავშირებით დარწმუნებული ვარ, რომ მარტივად დავლაგდებით ჩვენს მეგობარ სახელმწიფო აზერბაიჯანთან. თურმე, მხარი უნდა დავუჭიროთ იმ ადამიანებს, რომლებსაც ყველაზე მნიშვნელოვანი, 1938 წლის რუქა, სადღაც ჰქონიათ შეტენილი და მალავდნენ იმისათვის, რომ საქართველოს საზღვარი საქართველოს საზიანოდ დადგენილიყო. თუკი სამშობლოს გაყიდვაზეა საუბარი, ამაზე კლასიკური მაგალითი, ალბათ, საქართველოს უახლოეს ისტორიაში, იმის შემდეგ, რაც 2008 წლის ომის რეზოლუციას მხარი დაუჭირეს და ქართველ ჯარისკაცებს დააბრალეს ომის დაწყება, ნანახი არ მაქვს. რუკას რომელიც 1938 წელშია გამოსული და უნდა დადგენილიყო საქართველოს საზღვრები ვიღაც ინახავდა სადღაც და დღეს მის მხარდასაჭერად აქციებს აანონსებენ, წარმოგიდგენიათ სად არიან თავიანთ მოღალატეობრივი მენტალობით?!”, - აღნიშნა მამუკა მდინარაძემ.

ცნობისთვის, პროკურატურამ საქართველო-აზერბაიჯანის დელიმიტაცია-დემარკაციის კომისიის ყოფილი თავმჯდომარე ივერი მელაშვილი და კომისიის წევრი ნატალია ილიჩოვა დააკავა. პროკურატურის ინფორმაციით, ექსპერტიზის დასკვნით დადგინდა, რომ ბრალდებულები საზღვრების დელიმიტაციის პროცესში ხელმძღვანელობდნენ 1970-80-იან წლებში გამოცემული რუკებზე დატანილი საზღვრის ხაზებით, რაც არსებითად ეწინააღმდეგება ჩვენი ქვეყნის ისტორიულ საზღვარს, მათ შორის დავით გარეჯთან მიმართებაში.

გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 06.12.2021
„ტო­ი­ო­ტა ცენ­ტრ თბი­ლი­სის“ ხარისხის მართვის მენეჯერი - ორიგინალი წარმოების ქარხნული ავტონაწილები ავტომობილის ექსპლუატაციის ვადას რეალურად ახანგრძლივებს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“