„თავისუფალმა საქართველომ“ და „აფხაზეთისთვის მებრძოლთა ლიგამ“ აფხაზეთიდან დევნილების მხარდამჭერი საპროტესტო აქცია გამართეს

აფხაზეთის უზენაესი საბჭო, რომელიც ცენტრალური ხელისუფლების მიერაა დანიშნული, მთლიანი შემადგენლობით უნდა გადადგეს. აფხაზეთიდან დევნილებს არ სჭირდებათ ისეთი ბიუროკრატიული აპარატი, რომლის შენახვაც საქართველოს ბიუჯეტს 19 მილიონი უჯდება, - ამის შესახებ სამეგრელოში „თავისუფალი საქართველოს“ მაჟორიტარი დეპუტატობის კანდიდატმა, გოჩა ბახიამ თბილისში, აფხაზეთის მთავრობის შენობის წინ გამართულ საპროტესტო აქციაზე განაცხადა.

მისი თქმით, აფხაზეთიდან დევნილებს 27 წლის განმავლობაში აქვთ კონსტიტუციური უფლება ჩამორთმეული, რომელიც მათ საშუალებას არ აძლევს ლეგიტიმური ხელისუფლება თავად აირჩიონ.

„იმის მაგივრად, რომ ცენტრალური და რეგიონალური ხელისუფლებები ხალხზე ზრუნავდეს, წლიდან წლამდე მილიონობით თანხა ჰაერში იფანტება. აფხაზეთიდან დევნილებს არ სჭირდებათ ისეთი ხელისუფლება, რომელიც დღემდე კომუნისტური პრინციპებით იმართება.

მთელი რიგი გარემოებებიდან გამომდინარე, კარგად გვესმის, რომ დევნილების აფხაზეთში დაბრუნება ამ ეტაპზე ვერ ხერხდება, მაგრამ ის ხომ მაინც უნდა შეძლოს ხელისუფლებამ, რომ ამ ადამიანებს ღირსეული ცხოვრების პირობები საქართველოს კონტროლირებად ტერიტორიაზე შეუქმნას",- განაცხადა გოჩა ბახიამ.

"თავისუფალი საქართველოს" პრესსამსახურის ინფორმაციით, დღესვე, საპროტესტო აქციაზე განცხადება გააკეთეს „აფხაზეთისთვის მებრძოლთა ლიგის“ წევრებმაც.

ორგანიზაციის ერთ-ერთი ხელმძღვანელის, ირაკლი ტორუას თქმით, თუ ცენტრალური და რეგიონალური ხელისუფლებები ხალხის სასიკეთო გადაწყვეტილებას უახლოეს მომავალში არ მიიღებენ, მომდევნო საპროტესტო აქცია გაცილებით მწვავე ხასიათს მიიღებს, თუმცა ანტიკონსტიტუციურ ჩარჩოს არ გასცდება.

„ჩვენი მიზანია დევნილების მაქსიმალური მხარდაჭერა. ადამიანები თითქმის სამი ათეული წელია რაც დევნილობაში იმყოფებიან, თუმცა დღემდე ვერ მოხერხდა მათი ელემენტარული მოთხოვნების დაკმაყოფილება. საკუთარ სამშობლოში ისევ მოუგვარებელია მათი ბინადრობის პრობლემა, ხოლო ვისაც თავშესაფარი აქვს, ხშირ შემთხვევაში გაუსაძლის პირობებში ცხოვრობს, აღარაფერს ვამბობ ამ ადამიანებს დასაქმებაზე, რომელიც მთელი საქართველოს მოსახლეობის პრობლემას წარმოადგენს“,- განაცხადა ირაკლი ტორუამ.

აღნიშნულ ინფორმაციას "თავისუფალი საქართველოს" პრესსამსახური ავრცელებს.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს