ფიქრია ჩიხრაძე - დავით გარეჯის საკითხთან დაკავშირებით მოულოდნელად განვითარებულ მოვლენებს აშკარად პოლიტიკური სპეკულაციის ელფერი დაკრავს

დავით გარეჯი და საქართველოს ეროვნული ინტერესები მეტია, ვიდრე ივანიშვილი და სააკაშვილი, მათი დაპირისპირება და რომელიმე მათგანის ხელისუფლებაში ყოფნა-არყოფნის საკითხი, - ამის შესახებ „ლელოს“ ერთ-ერთმა ლიდერმა, სამგორის მაჟორიტარი დეპუტატობის კანდიდატმა ფიქრია ჩიხრაძემ განაცხადა.

მისი თქმით, ხელისუფლების წარმომადგენლები ვერ აცნობიერებენ, გარეჯის საკითხის ამ ფორმით წამოწევით, რაოდენ ფაქიზ და სახიფათო თემას ეხებიან.

"არ შეიძლება, ამ პარანოიდალურ ბრძოლას შეეწიროს სახელმწიფო ინტერესები. დარწმუნებით შემიძლია ვთქვა, მომავალ პარლამენტში ამ საკითხთან დაკავშირებით საგამოძიებო კომისია შეიქმნება,” - აცხადებს ჩიხრაძე და იმედოვნებს, რომ მანამდე გადადგმული უგუნური ნაბიჯებით საქართველოს ინტერესები ისე არ დაზიანდება, რომ გამოსწორება შეუძლებელი იყოს.

“ამასთან ერთად, კომისიის დაპატიმრებული წევრების საქმე აშკარად მიემატა სისხლის სამართლის იმ მრავალ საქმეს, რომლის თაობაზეც ახალ ხელისუფლებას ახალი, ობიექტური გამოძიების ჩატარება და პოლიტიკური დამკვეთების პასუხისგებაში მიცემა მოუწევს”, - აცხადებს ფიქრია ჩიხრაძე.

აღნიშნულ ინფორმაციას "ლელოს" პრესსამსახური ავრცელებს.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!