ყირგიზეთის პარლამენტმა ქვეყნის პრეზიდენტის სოორნბაი ჟეენბეკოვის იმპიჩმენტის პროცედურა დაიწყო. ამის შესახებ ოპოზიციური პარტია „ათა-მეკენის“ წევრმა დეპუტატმა კანიბეკ იმანალიევმა განაცხადა.

მისი თქმით, დეპუტატების ნაწილმა იმპიჩმენტის მოთხოვნას ხელი მოაწერა.

„ძალიან რთული პროცედურაა, მაგრამ შეიძლება ითქვას, რომ იმპიჩმენტის პროცედურა დაწყებულია“, - განაცხადა დეპუტატმა.

ქვეყნის კანონმდებლობით, პარლამენტის გადაწყვეტილება პრეზიდენტის წინააღმდეგ მიღებული უნდა იყოს დეპუტატების სრული რაოდენობის უმრავლესობის მიერ, რომელიც ინიცირებული იქნება დეპუტატთა ერთი მესამედის მიერ.