ბადრი ჯაფარიძე - გამოაქვეყნონ რამდენი შეიტანა ბიძინა ივანიშვილმა ბოლო 10 წლის განმავლობაში გადასახადების სახით ბიუჯეტში

ესაა წინასაარჩევნო ფანდი, რომ როგორმე ყოველდღიურად ვარდნადი რეიტინგი შეაჩერონ და ემსახურება ამომრჩევლის კიდევ ერთხელ მოტყუების მცდელობას,- ასე აფასებს "ლელოს" საბურთალოს მაჟორიტარი დეპუტატობის კანდიდატი, ბადრი ჯაფარიძე ფონდი „ქართუს“ მიერ დედაქალაქისთვის ყოფილი იპოდრომის ტერიტორიის უსასყიდლოდ გადაცემას.

მისი განცხადებით, როდესაც საუბრობენ ბიძინა ივანიშვილის ქველმოქმედებაზე, საინტერესოა, იხდის თუ არა ის გადასახადებს სახელმწიფო ბიუჯეტში.

„მისთვის ნათელი გახდა, რომ არ დავუშვებდით იქ მშენებლობას. მოქალაქეების მტკიცე წინააღმდეგობა დაინახა, შესაბამისად, სხვა არჩევანი აღარ ჰქონდა, რომ იქნებ საარჩევნო მიზნებისთვის გამოეყენებინათ. ჩემთვის ყოფილი იპოდრომის ტერიტორია იმის მაგალითია, თუ რა უქნეს ქვეყანას, ისევე როგორც „ლაგუნა ვერეს“ გაპარტახებული მდგომარეობა. ეს ჩვენი ქალაქისთვის მნიშვნელოვანი აქტივები გავერანდა. მინდა ხაზი გავუსვა, რომ თავისი გემოვნებით გაკეთებული ბაღი ჩვენ არ გვჭირდება. მისი გემოვნება მოქალაქეების გემოვნებისგან განსხვავდება, აქედან გამომდინარე, იქ რა გაკეთდება საზოგადოებამ უნდა გადაწყვიტოს.

ქველმოქმედების ყბადაღებულ საკითხს რაც შეეხება, ბიუჯეტში შეიტანონ თანხები. რამდენი შეიტანა ბიძინა ივანიშვილმა ბოლო 10 წლის განმავლობაში გადასახადების სახით ბიუჯეტში, გამოაქვეყნონ. თუ გადასახადები გადახდილი იქნება, მერე სახელმწიფო გადაწყვეტს, სად წარიმართოს ეს თანხები“, - აღნიშნა ბადრი ჯაფარიძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა