არსებული მდგომარეობა ძალიან მაღელვებს, არ ვიცით, როგორ განვითარდება მოვლენები მომავალი კვირების განმავლობაში, - ამის შესახებ რობერტ კოხის ინსტიტუტის ხელმძღვანელმა ინფექციური დაავადებების საკითხებში ლოტარ ვიელერმა განაცხადა.

მისივე თქმით, შესაძლოა, გერმანიაში ყოველდღიურად კორონავირუსის 10 000-მდე ახალი შემთხვევა გამოვლინდეს.

„შესაძლოა, ყოველდღე 10 000 ახალი შემთხვევა გვქონდეს, შესაძლოა, ვირუსის გავრცელება უკონტროლო გახდეს,“- აღნიშნა ვიელერმა.

შეგახსენებთ, გერმანიაში, გასული დღე-ღამის განმავლობაში, კორონავირუსის 4 058 ახალი შემთხვევა გამოვლინდა, რაც, აპრილის შემდეგ, რეკორდულად მაღალი დღიური მაჩვენებელია ქვეყნისთვის.