"ჩვენი საქართველო - სოლიდარობის ალიანსის" მაჟორიტარობის კანდიდატის გედევან ფოფხაძის განცხადებით, ხელისუფლებას მორალური უფლება არ აქვს პრეტენზია ჰქონდეს რამეზე, ხოლო გულგრილობა, რომელსაც ხალხის მიმართ იჩენენ, სახელისუფლებო სტანდარტია.
ამის შესახებ ფოფხაძემ დიდუბე-ჩუღურეთის მოსახლეობასთან შეხვედრის დროს განაცხადა.
მოსახლეობის ნაწილი აცხადებს, რომ ხელისუფლებამ მათ ყურადღება უნდა მიაქციოს და საცხოვრებელი ფართი დაუკანონოს.
"ყველა იმ შეუსრულებელ დაპირებას, რომელიც 8 წლის მანძილზე იყო ხელისუფლებას გავახსენებთ და დავინახავთ, რამდენად აქვს ხელისუფლებას მორალური უფლება კიდევ ჰქონდეს პრეტენზია რამეზე, მე მიმაჩნია, რომ ის გულგრილობა, რომელიც ამ ხალხს მოექცნენ ეს არის - სახელისუფლებო სტანდარტი, თუ მე ვცდები მაშინ გამოიჩინოს ხელისუფლებამ გულისხმიერება, ერთი დღე იყო საჭირო, რომ ამ ხალხის პრობლემა გადაწყვეტილიყო. არ გამოჩნდება სამ დღეში ხელისუფლება ამ ადამიანებთან? მაშინ ჩვენ ყველა ამ პრობლემის გაერთიანებას მოვახდენთ და დიდ აქციას მოვაწყობთ გამგეობის შენობასთან", - განაცხადა ფოფხაძემ.