,,თავისუფალი დემოკრატების" მაჟორიტარობის კანდიდატი საბურთალოს ოლქში ვიტალი დარასელია აცხადებს, რომ „წითელ ბაღში“ განთავსდება ეკრანი და მსურველებს შესაძლებლობა ექნებათ საქართველო-ბელორუსის საფეხბურთო მატჩს უყურონ.
პარტიის პრესსამსახურის ინფორმაციით, „წითელ ბაღში“ ვიტალი დარასელია ფეხბურთის მატჩის გარე ჩვენებას აორგანიზებს.
„წითელ ბაღში“ არსებულ ამფითეატრის ტერიტორიაზე განთავსდება ეკრანი, რომელზეც მსურველებს ექნებათ შესაძლებლობა, საქართველო-ბელორუსის ისტორიულ საფეხბურთო მატჩს უყურონ და ერთად უგულშემატკივრონ საქართველოს ეროვნულ ნაკრებს. გადაწყვეტილება მსგავსი ღონისძების გამართვის შესახებ კანდიდატმა მას შემდეგ მიიღო, რაც საქართველოს ფეხბურთის ფედერაციამ განაცხადა, რომ საქართველო-ბელარუსის მატჩი მაყურებლის გარეშე ჩატარდება“,-აღნიშნულია ,,თავისუფალი დემოკრატების" მიერ გავრცელებულ ინფორმაციაში.