ვატო შაქარიშვილი დავით გარეჯის საკითხზე - არ აქვს მნიშვნელობა, წინასაარჩევნოა ეს თუ, პოსტსაარჩევნო, მთავარია, ჩვენმა ქვეყანამ გაიმარჯვოს

გაუგებარია აჟიოტაჟი, რომელიც ატყდა არა იმაზე, რომ სახეზეა მოღალატეობრივი საქმიანობა, არამედ იმაზე, არის თუ არა ეს, წინასაარჩევნო სვლა, - ამის შესახებ საკრებულოს დამოუკიდებელმა დეპუტატმა ვატო შაქარიშვილმა დავით გარეჯის საკითხთან დაკავშირებით განაცხადა.

როგორც შაქარიშვილი განმარტავს, დავით გარეჯის საკითხთან დაკავშირებით პასუხისმგებლობა მხოლოდ ერთი პირის ბრალდებით არ უნდა დამთავრდეს.

„საუბარია უმძიმეს დანაშაულზე, ჩემთვის არ დგას პროკურატურის ნდობა-არ ნდობის საკითხი, საკმარისია ფაქტები - გარეჯის პრობლემა გაღვივდა 2012 წელს და გვახსოვს მაშინდელი პოლიტიკური ხელმძღვანელობის კომენტარები, მხოლოდ ეს არის საკმარისი დასტური იმისა, რომ ადგილი ჰქონდა მოღალატეობრივ საქმიანობას ხელისუფლების უმაღლეს შტოებში. ადამიანის უფლებების ფეხქვეშ გათელვა, ქონების ჩამორთმევები, ქუჩაში უდანაშაულო ახალგაზრდების მკვლელობები, საძინებლებში თვალთვალი, უკანონო მოსმენები, თავისუფალი მედიის განადგურება, ტოტალური კორუფცია, მშვიდობიანი მიტინგების დარბევა, სასამართლოს დამონება, ციხეებში პატიმრების არნახული წამება, ბრძოლის ველიდან გაქცევა, სტრატეგიული ობიექტების რუსეთისთვის მიყიდვა - ამ „შთამბეჭდავ“ ჩამონათვალს ჩვენი ეროვნული საგანძურის - დავით გარეჯის მოღალატეობრივად გაყიდვა დაემატა! სამწუხაროდ, „ქართული ოცნების“ დამსახურებით ამ ყველაფრის შემოქმედი ორგანიზაცია დღემდე მთავარი ოპოზიციური ძაალაა და ხელისუფლებაში დაბრუნებისთვის იღწვის.

მხოლოდ ვინმე ივერით არ მთავრდება პასუხისმგებლობა, როდესაც არსებობს საჯარო მტკიცებულებები, სადაც დღევანდელი „ნაცმოძრაობის“ და „ევროპული საქართველოს“ წევრები (მაშინდელი მაღალი პოლიტიკური თანამდებობის პირები) აკეთებდნენ მოღალატეობრივ განცხადებებს და ამბობდნენ, რომ დავით გარეჯი არ არის საქართველო...

„ნაცმედია“ ცდილობს პრიორიტეტების აღრევას, პრობლემა იმაში კი არ არის, რომ ეს პროცესი წინასაარჩევნო პერიოდს დაემთხვა (მთავარია შედეგი), არამედ, პრობლემა არის ის, რომ ერთი დაკავებული დღემდე საგარეო საქმეთა სამინისტროში მუშაობდა, ხოლო მეორე შინაგან საქმეთა სამინისტროში“, - აცხადებს ვატო შაქარიშვილი.

აღნიშნულ ინფორმაციას ვატო შაქარიშვილის პრესსამსახური ავრცელებს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა